«Keleşek mektepterı» ūlttyq jobasy aiasynda oblys aumaǧynda bır auysymda 3 myŋ oquşyǧa arnalǧan 7 zamanaui mekteptıŋ qūrylysy jüzege asyryldy.
Bügıngı taŋda būl bılım oşaqtarynyŋ barlyǧy paidalanuǧa berılıp, jaŋa oqu jylynda öz esıgın aiqara aşty.
Atap aitqanda, Öskemen qalasynda – 3 mektep («№31», «№40», «№41» jalpy bılım beretın mektepterı), Ridder qalasynda 1 mektep («№12 jalpy bılım beretın mektebı»), Glubokoe audanynda 2 mektep («Belousovka №2 jalpy bılım beretın mektebı» jäne «Opytnoe pole jalpy bılım beretın mektebı»), Şemonaiha audanynda 1 mektep («Şäkärım atyndaǧy №4 orta mektebı») boi köterdı.
Jaŋadan salynǧan mektepter qazırgı zaman talabyna sai jabdyqtalǧan: STEM-zerthanalar, robototehnika kabinetterı, fizika, himiia jäne biologiia pänderıne arnalǧan jaŋa ülgıdegı oqu qūraldarymen qamtylǧan arnaiy kabinetter bar. Ärbır synyp sifrlyq tehnologiialarmen jäne interaktivtı paneldermen qamtamasyz etılgen. Sonymen qatar, oquşylardyŋ jaily ärı tiımdı bılım aluyna jaǧdai jasau maqsatynda kovorking, demalys jäne erkın jūmys ısteu aimaqtary ūiymdastyrylǧan.
Erekşe bılımdı qajet etetın oquşylar üşın tolyqqandy kedergısız orta jasalǧan: pandustar, liftıler, arnaiy sanitarlyq toraptar, taktildı baǧyttauşylar, inkliuzivtı bılım beruge arnalǧan synyptar qarastyrylǧan.
2025 jyly Şyǧys Qazaqstan oblysy Şemonaiha audanynda Şäkärım atyndaǧy №4 jalpy orta bılım beretın mektep öz jūmysyn bastady.
Mekteptıŋ negızgı körsetkışterı:
• Jobalyq quaty – 300 oryn
• Oquşylar sany – 343 (1–11 synyp)
• Mektep janyndaǧy şaǧyn ortalyqta – 12 bala
• Mektepke deiıngı daiyndyq synyptarynda – 16 bala
Jaŋa mektep zamanaui talaptarǧa sai jabdyqtalǧan. Oquşylardyŋ sapaly bılım aluy üşın qajettı jaǧdai jasalǧan: ashana, balalardy qoldau kabinetı, beinebaqylau jüiesı, dabyl qondyrǧylary ornatylǧan. Barlyǧy 52 beinekamera jäne 30 künge deiın jazbalardy saqtaityn server bar.
Oquşylar jetıstıkterı:
• Oblystyq olimpiadalar men ǧylymi jarystarǧa – 106 oquşy qatysyp, 92-sı jüldeger atandy.
• Respublikalyq deŋgeide – 42 oquşy qatysyp, 29-y jüldelı oryndarǧa ie boldy.
• Halyqaralyq deŋgeide – 30 oquşy qatysyp, 12-sı jeŋımpaz atandy.
Pedagogikalyq qūramda 54 qyzmetker eŋbek etedı, olardyŋ 32-sı – mūǧalımder. Qazırgı taŋda mektepke orys tılı, tarih, aǧylşyn tılı, muzyka, tehnologiia, IT-injener, horeograf jäne qosymşa bılım beru pedagogy mamandary qajet.
Būl jaŋa bılım ordasynyŋ aşyluy – audannyŋ bılım salasyn damytudaǧy maŋyzdy qadam. Ol jas ūrpaqtyŋ sapaly bılım aluyna, daryndy balalardy qoldauǧa jäne olardyŋ jan-jaqty damuyna mümkındık beredı
«Keleşek mektepterı» ūlttyq jobasy aiasynda boi kötergen 300 oryndyqtyq Şäkärım atyndaǧy №4 orta mektepte D. Serıkbaev atyndaǧy ŞQTU qoldauymen STEM-kabinet; «Bılım aqparat» käsıptık baǧdar beru ortalyǧy; S. Amanjolov atyndaǧy ŞQU qoldauymen «Dana bala» inkliuziia kabinetı jabdyqtalǧan.
Mektepte 2024-2025 oqu jyly boiy daryndy jäne talantty oquşylardy anyqtau men qoldau baǧytynda jüielı jūmys jürgızıldı. Pän mūǧalımderı, synyp jetekşılerı jäne oquşylardyŋ ǧylymi qoǧamdary türlı olimpiadalar men ǧylymi jobalarǧa qatysuǧa jaǧdai jasady.
Oblystyq olimpiadalar men ǧylymi saiystarǧa 106 oquşy qatysyp, olardyŋ 92-sı jüldeger atandy. Būl – jalpy qatysuşylardyŋ 86,8%-yn qūraidy. Respublikalyq deŋgeide 42 oquşy baq synap, onyŋ 29-y jüldelı orynǧa ie boldy (69%).
Oquşylar kelesı ziiatkerlık jäne şyǧarmaşylyq baiqaularǧa qatysty: «DARYN», «Malahit», oblystyq «Leader», «Ainalaiyn», «Asyl tas» matematikalyq baiqauy, sondai-aq «Aqbota» intellektualdyq olimpiadasy, respublikalyq pändık olimpiadalar jäne ǧylymi jobalar saiystary.
Daryndy balalardy qoldau maqsatynda mektepte bastauyş synyptarǧa arnalǧan «Rostok», al 5-11 synyptarǧa arnalǧan «Avangard» ǧylymi qoǧamdary jūmys ısteidı. Ötken oqu jylynda audandyq ǧylymi joba baiqauynda 6 jüldeger, pändık olimpiadalarda 10 jüldeger anyqtaldy. Sonymen qatar, oquşylar dästürlı «Şäkärım oqularyna» belsene qatysyp, jüldelı oryndarǧa ie boldy.
Biylǧy oqu jylynda (2025-2026) 8-11 synyp oquşylarynyŋ 17 ǧylymi jobasy tırkeldı. Būl körsetkışter pedagogikalyq ūjymnyŋ jüielı jūmysynyŋ jäne oquşylardyŋ joǧary deŋgeidegı daiyndyqtarynyŋ dälelı bolyp tabylady.
