Ädebiet - ardyŋ ısı. Jazuşylar Odaǧynyŋ jaŋa basşysy belgılı boldy

Eske sala keteiık, būǧan deiın töraǧalyq tızgının ūstaǧan aqyn Ūlyqbek Esdäulet kandidattyqtan bas tartqan edı. Oryn orynbasary bolyp qyzmet atqarǧan aqyn Aqberek Elgezek öz erkımen qyzmetten ketken edı.

Bes jylda bır ret ötetın jiynda aldymen QR Aqparat jäne qoǧamdyq damu ministrı Darhan Qydyrälı Memleket basşysy Qasym-Jomart Toqaevtyŋ jazuşylarǧa qūttyqtauyn jetkızdı. Qazaqstan Jazuşylar odaǧynyŋ basqarma töraǧasy, aqyn, Memlekettık syilyqtyŋ laureaty Ūlyqbek Esdäulet bes jylda atqarylǧan jūmystar jönınde eseptık baiandama jasady. Ūlyqbek Esdäulet özınıŋ 15 eldıŋ qalamgerlerı müşe retınde kırgen Türkı düniesı jazuşylar odaǧynyŋ töraǧasy bolyp sailanuyna bailanysty qyzmetınen ketetının mälımdedı. Jiynda sondai-aq Memlekettık syilyqtyŋ laureattary, jazuşylar Dulat İsabekov, Kädırbek Segızbaev, aqyn-dramaturg İranbek Orazbaev, Mäjılıs deputaty, aqyn Qazybek İsa jäne basqalar söz alyp, ädebiettıŋ tolǧaqty mäselelerıne toqtaldy. Qūryltaidan soŋ basqarma jiynynda jazuşy, Qazaqstannyŋ eŋbek sıŋırgen qairatkerı Mereke Qūlkenov Qazaqstan Jazuşylar odaǧy basqarma töraǧasy bolyp sailandy. Sondai-aq onyŋ orynbasarlary belgılı boldy. Aita keteiık, qalamger-jurnalist Mereke Äbdeşūly Qūlkenov 1951 jyly 8 qaraşada Atyrau oblysy, Qyzylqoǧa audany, Qarabau auylynda tuǧan. Qazaqstannyŋ eŋbek sıŋırgen qairatkerı, Qazaqstan Jazuşylar odaǧynyŋ müşesı, Almaty qalalyq mäslihatynyŋ deputaty. Qazaqstan Respublikasy Prezidentı syilyǧynyŋ laureaty. S.M.Kirov atyndaǧy Qazaq memlekettık universitetınıŋ (qazırgı äl-Farabi atyndaǧy Qazaq ūlttyq universitetı) jurnalistika fakultetın bıtırgen (1978). Bırneşe kıtaptyŋ avtory. Solardyŋ bırı — Rahymjan Otarbaevpen bırlesıp jazǧan «Bas» dramasy üşın Mädeniet ministrlıgı jariialaǧan «Bäiterek» respublikalyq baikauynda ekınşı jüldege ie boldy (2004 j.). 1970 jyly äskeri boryşyn ötep kelgennen keiın 1971 — 1973 jyldary Qazaqstan Kompartiiasy Ortalyq Komitetınıŋ gazet-jurnal baspasy baspahanasynda baspagerdıŋ kömekşısı boldy. Universitettı bıtırgen soŋ būqaralyq aqparat qūraldarynda «Qazaqstan pionerı» gazetı, Qazaqstan telearnasy, «Pioner» jurnaly, «Qazaq ädebietı» gazetınıŋ tılşısı, 1993-1997 jyldar aralyǧynda «Jalyn» respublikalyq qoǧamdyq-ädebi jurnalynyŋ bas redaktory, 1997 jyldan berı «Ana tılı» respublikalyq gazetınıŋ, 2000 jyldan osy uaqytqa deiın «Taŋ-Şolpan» ädebi-körkem, köpşılık jurnalynyŋ bas redaktory, 1991 jyldan qazırgı künge deiın «Ölke» baspasynyŋ bas direktory bolyp eŋbek etıp keledı. Sondai-aq «Jūldyz» jurnalynyŋ bas redaktory qyzmetın qosa atqaruda. «Qūrmet» ordenımen, ūlttyq jurnalistık syilyq «Altyn jūldyz» t.b. bırneşe medaldarmen marapattaldy.