Bügın aqyn, jurnalist Jarasqan Äbdıraşevtıŋ tuǧan künı. Ol 1948 jyly 7 nauryzda Aral audany Amanötkel auylynda düniege kelıp, 2001 jyly 10 aqpanda Almaty qalasynda dünie saldy.
Jarasqan Äbdıraşev 1969 j. QazMU-dyŋ jurnalistika fakultetın bıtırıp, 1969-94 j. «Leninşıl jas» (qazırgı «Jas Alaş»), «Qazaq ädebietı» gazetterınde, «Jalyn» almanaǧynda, «Jūldyz» jurnalynda, Qazaqstan Jazuşylar odaǧy janyndaǧy körkem audarma jäne ädebi bailanystar jönındegı bas redaksiiada qyzmet atqarǧan, «Tamaşa» oiyn-sauyq teatrynda bas redaktor bolǧan. Alǧaşqy jinaǧy - «Tūŋǧyş kıtap» 1969 j. jaryq körgen.
Zamandastarymyzdyŋ ömırınen örnektelgen «Aq qairan» (1970), «Naizaǧaily jaz» (1971), «Saiahat» (1972), ūlttyq oi-sana tūrǧysyndaǧy tolǧamdardan tūratyn «Dala senıŋ ūlyŋmyn» (1975), «Soǧystan soŋ tuǧandar» (1977, 1993), «Perzent paryzy» (1980), «Sana soqpaǧy» (1988) t. b. öleŋder men poema jinaqtary, qazaq ädebietınde epigramma janyryn qalyptastyrǧan «Äzılıŋ jarassa» (1989) kıtaby, qazaq balalar ädebietı mäselelerın kötergen «Parasat pen paryz» (1973) ädebi-zertteu eŋbegı jaryq kördı.
Aqynnyŋ taŋdamaly jyrlarynyŋ 3 tomdyǧy («Sana soqpaǧy» 1998; «Köŋıl kökpary» 1998; «Şejırelı şaŋyraq» 1998) jariialanǧan.
A.S.Puşkinnıŋ, R.Tagordyŋ, M.Bsisudıŋ, P.Eliuardyŋ, Iа.Kupalanyŋ, K.İ.Chukovskiidıŋ, A.L.Bartonyŋ, A.A.Bloktyŋ jekelegen tuyndylardyŋ qazaq tılıne audarǧan.
Jarasqan Äbdıraşevtıŋ töl şyǧarmalary nemıs, venger, orys, ukrain, özbek, täjık, äzerbaijan, türkımen, qyrǧyz, saha tılderıne tärjımelengen. Ol Qazaqstan Jazuşylar odaǧy M.Jūmabaev atyndaǧy syilyqtyŋ alǧaşqy iegerı (1989) atanǧan.
"Adyrna" ūlttyq portaly
Ūqsas jaŋalyqtar
mereitoi
jarasqan äbdıraşev
Şyǧarmaşylyq
Ädebiet
Bügın aqyn
jurnalist Jarasqan Äbdıraşevtıŋ tuǧan künı
