Mädeniet jäne aqparat ministrlıgı jas qalamgerlerge arnalǧan «Erlık pen eŋbek dastany» atty avtorlar baiqauyn ötkızedı, dep habarlaidy “Adyrna” ūlttyq portaly.
Aqparat ministrı Aida Balaevanyŋ aituynşa, baiqau daryndy avtorlarǧa qoldau bıldırıp, qoǧamdaǧy eŋbek mamandyqtarynyŋ maŋyzyn aşudy maqsat etedı.
«Būl baiqau käsıbi şeberlıgımen qajyrly qyzmet etıp, elımızdı damytuǧa zor üles qosyp jürgen tūlǧalardy ūlyqtauǧa mümkındık beredı. Atap aitqanda, mūǧalımder, därıgerler, kenşıler, fermerler, qūrylysşylar, jurnalister, muzykanttar, kıtaphanaşylar jäne taǧy basqalardyŋ eselı eŋbekterın köpke nasihat etedı», - dep jazdy ministr.
Jarys jeŋımpazy kelesı jyly, iaǧni 2025 jyly Respublika künınde anyqtalady.
«Qazaqstan Respublikasynyŋ mädeniet jäne aqparat ministrlıgı eŋ üzdık kıtapty basyp şyǧaryp, el boiynşa taratady. Ötınışter osy jyldyŋ 1 qazanynan bastalady», - dep jazdy Balaeva.
Ūqsas jaŋalyqtar
