Memleket basşysy Qasym-Jomart Toqaev Älemdık jäne dästürlı dınder köşbasşylarynyŋ VIII cezıne qatysu üşın Astanaǧa kelgen Mäskeu jäne bükıl Resei patriarhy Kirillmen kezdestı. Būl turaly Aqordanyŋ baspasöz qyzmetı jazdy, dep habarlaidy «Adyrna» tılşısı.
Prezident bügıngı kezdesu Qazaqstan men Resei arasyndaǧy yntymaqtastyqty tereŋdetu jolyndaǧy taǧy bır maŋyzdy qadam ekenın atap öttı.
– Eŋ aldymen, Sezge arnaiy kelgenıŋız üşın rizaşylyǧymdy bıldıremın. Sızdıŋ būl jiynǧa qatysuyŋyz, şyn mänınde, forumnyŋ tabysty ötu tūrǧysynan maŋyzdy. Bız Sızdı qūrmetteimız. Özıŋızge mälım, Qazaqstan men Resei – strategiialyq serıktes, odaqtas elder, – dedı Memleket basşysy.
Patriarh Kirill Qasym-Jomart Toqaevqa qonaqjailyq tanytqany üşın alǧys aityp, Orys pravoslavie şırkeuınıŋ missiiasy halyqtar arasyndaǧy beibıtşılık pen özara tüsınıstıktı nyǧaitu ekenın mälımdedı.
– Qasiettı Qazaqstanǧa kelu menı ärdaiym quantady. Būl bızdıŋ dostas elımız. Ǧasyrlar boiy qatar ömır sürıp kelemız. Qazır memleketterımız bölek bolǧanymen, dostyq, özara qoldau jäne yntymaqtastyq tının berık jalǧap otyrmyz, – dedı Mäskeu Patriarhatynyŋ basşysy.
Qasym-Jomart Toqaev ekı el arasyndaǧy ruhani bailanystardy nyǧaituǧa qosqan ülesı üşın ärı airyqşa qūrmet belgısı retınde Mäskeu jäne bükıl Resei patriarhy Kirilldı «Altyn Qyran» ordenımen marapattady.
