Mäjılıs deputaty Mūrat Äbenov azamattardyŋ kelısımınsız nesie räsımdeu derekterı köbeiıp bara jatqanyn aitty, dep habarlaidy «Adyrna» tılşısı.
«Men ötken aptada osy bank mäselesı boiynşa eluge juyq azamatpen kezdestım. Solardyŋ qyryq bırı — onlain alaiaqtyqtyŋ qūrbandary. Köpşılıgı bankke mülde barmaǧan, ailyǧy jetpeidı, eşqandai qūjatqa qol qoimaǧan. Soǧan qaramastan, olardyŋ atyna nesie tırkelgen. Al bankke barsa, “özıŋ kınälısıŋ, bıreuge tört taŋbaly kod berıp qoiǧan şyǧarsyŋ” deidı. Mūndai jauaptan keiın adamdar “men kınälımın” dep oilaidy, bıraq şyn mänınde olai emes. Mūnyŋ bärın mūqiiat tekseru kerek», – dedı deputat.
Äbenovtıŋ aituynşa, būl mäsele bırneşe jyldan berı özektı bolyp otyr.
«Qazır ekı jyl boldy, men zaŋǧa özgerıs engızdım: tört taŋbaly kod arqyly eşkımge nesie beruge qūqyq joq. Tek biometriia arqyly räsımdeluı kerek. Bız būl jaǧdailar boiynşa aryz jazyp, tekserıs bastadyq. Köp jaǧdaida, iaǧni toqsan paiyzynda, bank qyzmetkerlerı “bızde daiyn qūjattar bar” dep moiyndaidy. Öitkenı bank qyzmetkerlerı är nesie üşın 1–2 paiyz syiaqy alady. Sol sebeptı olar beiresmi türde aqparat beredı», – dedı ol.
