Qazaqstannyŋ eŋbek sıŋırgen ärtısı, «Qūrmet» ordenınıŋ iegerı Meruert Qarataiqyzy Ötekeşova Qazaqstannyŋ halyq ärtısı ataǧyn aldy, dep habarlaidy "Adyrna".
Bügın Respublika künı qarsaŋynda Qasym-Jomart Toqaevtyŋ jarlyǧymen elımızdıŋ äleumettık-ekonomikalyq, mädeni-ruhani damuyna, halyqtar arasyndaǧy dostyq pen yntymaqtastyqty nyǧaituǧa eleulı üles qosqan jäne belsendı qoǧamdyq qyzmet atqarǧan bırqatar azamat memlekettık nagradalarmen marapattalǧan bolatyn.
Aita keteiık, Meruet Ötekeşova 1951 jyly 25 aqpanda Oral qalasynda düniege kelgen. Marqūm akter Qūman Tastanbekovtıŋ jary ärı Jıbek, Tomiris esımdı qyzdardyŋ jäne Farabi esımdı ūldyŋ anasy.
Ol 1968 jyly Almaty qalasyndaǧy №66 mekteptı tämamdaǧanynda «Qyz Jıbek» kinosynyŋ bas keiıpkerınıŋ rölın somdauǧa şaqyrtu alady.
1982 jyly «Qaragöz» qoiylymyndaǧy Qaragöz rölı üşın Mäskeudegı bükıl odaqtyq jastar şyǧarmaşylyǧy baiqauynyŋ laureaty atandy. 1982 jyly Qazaqstan eŋbek sıŋırgen ärtısı ataǧyn ielenıp, respublikalyq «Jıger» festivalınıŋ laureaty boldy. 1991 jyly KSRO kinematografister odaǧynyŋ müşesı bolyp, 2008 jyly «Qūrmet» ordenınıŋ iegerı atandy. Būdan özge 2016 jyly «Qazaqstan Respublikasynyŋ Täuelsızdıgıne 25 jyl» medalımen marapattaldy.
