Bügın Respublika künıne orai oblys äkımı Beibıt İsabaev öŋırdıŋ bırqatar tūrǧyndaryna memlekettık nagradalar tabys ettı. Prezidenttıŋ Jarlyǧymen memlekettık nagradalarmen elımızdıŋ täuelsızdıgın nyǧaituǧa, äleumettık-ekonomikalyq, mädeni jäne qoǧamdyq damuyna eleulı üles qosqan 35 eŋbekker azamat marapattaldy. Saltanatty şara Taldyqorǧandaǧy B. Rimova atyndaǧy drama teatrynda öttı, dep habarlaidy Jetısu oblysy äkımınıŋ baspasöz qyzmetı.
Köpşılıktı merekemen qūttyqtaǧan öŋır basşysy 35 jyl būryn qabyldanyp, eldıŋ täuelsızdıkke jetuınıŋ konstitusiialyq jäne saiasi negızın qalaǧan memlekettık egemendık turaly deklarasiianyŋ rölıne toqtaldy. Sondai-aq osy qūjattyŋ qazırgı damu kezeŋındegı tarihi maŋyzdylyǧyn da atap öttı. Sondai-aq ol aimaqtyŋ soŋǧy üş jyldaǧy negızgı jetıstıkterıne erekşe nazar audaryp, oǧan qol jetkızude el täuelsızdıgı, halyqtyŋ bırlıgı men ärbır azamattyŋ eŋbegı bar ekenın aitty.
- Sızderdı Respublika künımen jäne Memlekettık egemendık turaly deklarasiianyŋ qabyldanǧanyna 35 jyl toluymen şyn jürekten qūttyqtaimyn! Memleket basşysy Qasym-Jomart Toqaev atap ötkendei, «Būl qūjat – bızdıŋ memlekettık egemendıgımızdıŋ ırgetasy, eldıgımızdıŋ bastauy». Sondyqtan onyŋ elımızdıŋ memlekettık derbestıgın aiqyndaudaǧy maŋyzy zor. Täuelsızdıktıŋ bastauy bolǧan būl qūjatta alǧaş ret halyqtyŋ özındık mädenietı men dästürın nyǧaituǧa nazar audarylyp, bırlık pen kelısım damudyŋ berık negızıne ainaldy. Bügıngı taŋda aldymyzda beibıtşılıkke, özara tüsınıstık pen yntymaqtastyqqa süiene otyryp, qol jetkızgen jetıstıkterdı saqtau men odan ärı eseleu mındetı tūr. Qaşanda Otanymyz Qazaqstannyŋ, tuǧan ölkemız Jetısudyŋ eŋsesı biık, mereiı üstem bolsyn, - degen B.İsabaev būdan ärı marapattau räsımıne köşıp, Jūmysşy mamandyqtar jylyna orai bügın Astanada jerlesımız «Taldyqorǧan jylu servis» mekemesınıŋ slesarı Marat Joldasbaiūly Mergenbaev Prezidentımızdıŋ qolynan memlekettık nagrada alǧanyn atap öttı.
Jalpy oblystyŋ 35 tūrǧyny memlekettık nagradamen marapattaldy. Saltanatty ıs-şara aiasynda «Qūrmet», «Parasat», III därejelı «Eŋbek Daŋqy» ordenderımen, «Eren eŋbegı üşın», «Şapaǧat» medaldarymen önerkäsıp, auyl şaruaşylyǧy, kommunaldyq şaruaşylyq, jol qūrylysy, bılım beru, densaulyq saqtau, mädeniet, äleumettık qorǧau, sondai-aq käsıpkerlık salalarynda eŋbek etetın oblys tūrǧyndary marapattaldy. Olardyŋ qatarynda Taldyqorǧan qalasy äkımınıŋ mügedektıgı bar adamdar mäselelerı jönındegı ştattan tys keŋesşısı Vadim Druzin, Alaköl audanynyŋ «Qalqaman» ŞQ basşysy Bolatbek Qapsalamov, «Sarqan jylu» MKK jürgızuşısı Qanapiia Tūqymbekov, Kerbūlaq audanynyŋ «Qyzyljar» öndırıstık kooperativınıŋ basşysy Aidyn Nūrtazin, «Tekelı tau-ken öŋdeu keşenı» JŞS elektromonterı Aleksandr Vinokurov, «Tamşybūlaq» qoǧamdyq bırlestıgınıŋ basşysy Janat Tölemısova, «Alaköl joldary» JŞS arnaiy tehnika jürgızuşısı Sergei Boldyrev, Eskeldı audanynyŋ «Vahitov» ŞQ basşysy Rustam Vahitov, Aqsu audany E. Siqymov atyndaǧy mektep janyndaǧy internaty bar orta mektep mūǧalımı Ainagül Jienbaeva, Sarqan audany «Tastūma» ŞQ basşysy Kenjetai Tazabekova, Taldyqorǧan qalasy muzykalyq kolledjınıŋ oqytuşysy Gülzifa Rahymhanova jäne basqa da azamattar bar.
Marapattaluşylar merekege orai pıkır bıldırıp, jerlesterıne tılekterın jetkızdı. Solardyŋ bırı «Sarqan jylu» MKK jürgızuşısı Qanapiia Tūqymbekov:
- Bızdıŋ käsıporyn Sarqan qalasyna jylu berumen ainalysady. Bügın Respublika künıne arnalǧan saltanatty jinalysqa qatystym. Maǧan III därejelı «Eŋbek Daŋqy» ordenı berıldı. Būl - ülken qūrmet ärı jauapkerşılık. Memleket basşysyna eŋbek adamdaryna qamqorlyq jasaǧany üşın alǧysymdy bıldıremın, - dedı ol.
Būl pıkırge III därejelı «Eŋbek Daŋqy» ordenımen marapattalǧan Tekelı qalasynyŋ tūrǧyny da qosyldy:
- Tekelı tau-ken öŋdeu keşenınde 13 jyldan berı jūmys ıstep kelemın. Eŋbek jolymdy elektrik bolyp bastap, kezekşı elektromonterge deiın köterıldım. Jūmys oŋai emes, artylar mındet öte jauapty. Bıraq qazır köp prosester avtomattandyrylyp jatyr. Elımızdıŋ igılıgı üşın būdan bylai da jūmys ıstei beremın. Bügıngı marapat men üşın jaǧymdy tosynsyi boldy, - deidı Aleksandr Vinokurov.
- Maǧan berılgen «Şapaǧat» medalı - kedergısız orta qūru, mügedektıgı bar adamdarǧa nysandarǧa erkın kırıp-şyǧuyna jaǧdai jasalu üşın jūmys ısteitın barlyq ärıptesterımnıŋ, tūtas komandamyzdyŋ ortaq eŋbegı. Būl baǧytta öŋırde köp ıs atqaryldy. Onyŋ ışınde sportşylardy qoldau boiynşa da solai deuge bolady. Mysaly, Taldyqorǧan parasportsmenderı joǧary sporttyq nätijelerge qol jetkızetın türlı jarystarǧa qatysa alady. Ärine, alda älı talai jūmys bar, al bügıngı marapat men üşın ülken motivasiia boldy. Jerlesterımdı Respublika künımen qūttyqtap, barlyq bastamalaryna sättılık tıleimın, - dedı Taldyqorǧan qalasy äkımınıŋ mügedektıgı bar adamdar mäselelerı jönındegı ştattan tys keŋesşısı, «Elstar.kz» qoǧamdyq bırlestıgınıŋ basşysy, öŋırdegı äleumettık nysandardyŋ qoljetımdılıgı jönındegı monitoringtık toptyŋ ökılı Vadim Druzin.
- Käsıpkerlıkte, atap aitqanda, Köksu audanynyŋ sauda jäne qoǧamdyq tamaqtanu salasynda 30 jyldan berı jūmys ıstep kelemın. Men zeinetkerlık demalysqa şyqsam da, jūbaiymmen bırge otbasylyq biznestı damytuǧa bar küş-jıgerımdı jūmsaudamyn. Qazır 40-qa juyq adamdy jūmyspen qamtyp otyrmyz. Prezidenttıŋ Jarlyǧymen maǧan Respublika künıne orai «Şapaǧat» medalın berdı. Öŋır ekonomikasynyŋ damuyna qosqan ülesımdı joǧary nagradaǧa laiyq dep bılgenderıne quanyştymyn, - dedı Köksu audanynan kelgen jeke käsıpker Qatira Küzbaeva.
Saltanatty şara Jetısu oblysynyŋ şyǧarmaşylyq ūjymdary men ärtısterınıŋ qatysqan ülken merekelık konsertpen jalǧasty.
