Almaty oblysynyŋ Saimasai auylynda 6-synypta oqityn balanyŋ mäiıtı öz aulasynan tabyldy. Qazır polisiia būl oqiǧaǧa qatysty Qylmystyq kodekstıŋ 105-baby («Öz-özıne qol jūmsauǧa deiın jetkızu») boiynşa ıs qozǧaǧan, dep habarlaidy «Adyrna».
İnformbiuro31 mälımetınşe, marqūmdy 30 qazan künı bükıl auyl bolyp soŋǧy saparǧa şyǧaryp salǧan. Oquşynyŋ denesı 27 qazan künı tabylǧan. Ögei äkesınıŋ tuystarynyŋ aituynşa, bala öz aulasyndaǧy aǧaşqa ılıngen arqanǧa asylyp qalǧan. Sol künı üide eşkım bolmaǧan deidı. Olar «balaǧa ögei äke jäbır körsettı» degendı joqqa şyǧaryp, otbasynyŋ tūrmysy naşar bolǧanyn da terıske şyǧardy.
Alaida auyl tūrǧyndarynyŋ pıkırı mülde basqa. Körşıler marqūmnyŋ üiındegı jaǧdaidyŋ jaqsy bolmaǧanyn, balanyŋ jiı mūŋaiyp jürgenın aitady.
«Aǧamnyŋ eŋ süiıktı balasy edı. Oǧan ögei äke bolsa da aǧam özın qoiarǧa jer tappai otyr. Alaida saraptamasyz, dälelsız ony pedofilizmge aiyptauda. Äuelı qūzyrly organdar balanyŋ qorlyq körgenın ekspertizada anyqtasyn. Söz joq, ondai jaǧdaida kınälıler jazalanady. Bıraq qazır aitylǧannyŋ bärı jala», – deidı marqūmnyŋ ögei äkesınıŋ tuysy Elena Mamythanova.
Mektep direktorynyŋ sözınşe, jetkınşek tolyq emes otbasynda tūrǧandyqtan erekşe baqylauda bolǧan. «Soŋǧy ret 16 qazanda üiıne baryp, jaǧdaiyn kördık. Kiımı taza, sabaqtan qalmaǧan», – deidı ol. Bıraq būl mälımettı körşıler rastamai otyr.
«Japly otbasy özınıŋ tūrmystyq jaǧdaiyna bailanysty sätsız otbasy retınde kämeletke tolmaǧandar boiynşa tırkeude tūrǧan tūrmystyq jaǧdaiy sanitarlyq talaptardyŋ tömendıgıne bailanysty», – deidı A. Baitūrsynov atyndaǧy orta mekteptıŋ direktory Nazgül Sarymbaeva.
Al «Ne molchi» qorynyŋ jetekşısı Dina Taŋsärı būl otbasy turaly dabyldy habar aqpan aiynda tüsse de, tiıstı organdar eşqandai şara qoldanbaǧanyn aitty.
«Saimasai auylynyŋ tūrǧyndary balaǧa ögei äkesı zorlyq körsetuı mümkın dep habar berdı. Belgılı bolǧandai, ögei äke būryn 2 ret sottalǧan. Al otbasy ışımdıkke äues. Bız iuvenaldy polisiiaǧa dabyl qaqtyq. Olar mäselenı baqylauǧa alǧandai edı. Endı jetkınşektıŋ asylyp ölgenın estıp otyrmyz», – deidı ol.
Jelıde marqūmnyŋ kündelık jazbasy tarady.
«Maǧan nege ūrsyp, tek qol köteredı? Men eşkımge kerek emespın... Men bötenmın...» dep jazǧan.
Almaty oblystyq polisiia departamentı balanyŋ ölımıne qatysty tergeu bastalǧanyn rastady. Is Qylmystyq kodekstıŋ 105-baby («Öz-özıne qol jūmsauǧa itermeleu») boiynşa tırkelgen.
Qaza bolǧan jetkınşek – üidıŋ ortanşy balasy. Ol ögei äkesımen 2021 jyldan berı bırge tūrǧan.
