Bas prokuratura qazaqstandyqtarǧa internettegı qauıptı jūmys ūsynystary turaly eskertu jasady , dep habarlaidy “Adyrna”.
Vedomstvonyŋ mälımetınşe, internet-alaiaqtar tanymal platformalar men äleumettık jelılerde az talap qoiyp, joǧary tabys uäde etetın jūmys turaly habarlandyrular jariialap jür.
«Jauap bergen ümıtkerlerge jalǧan saittarǧa sıltemeler, jeke derekterdı jinauǧa arnalǧan saualnamalar jıberıledı nemese “jūmysqa arnalǧan mobildı qosymşany” ornatu ūsynylady. Mūndai qosymşalar alaiaqtarǧa banktık derekterge, messendjerlerge jäne qūrylǧyny basqaruǧa qol jetkızuge mümkındık beredı», — delıngen habarlamada.
IT, modeldık, qonaq üi biznesı nemese call-ortalyqtar salasynda jūmys ūsynamyz degen jeleumen azamattardy şetelge jūmysqa şaqyryp, olardy eŋbek jäne jynystyq qūldyqqa, sondai-aq türlı qanau men zorlyq-zombylyqqa ūşyratuy mümkın. Kei jaǧdailarda jäbırlenuşılerdı basqa azamattardy aldau nemese adam aǧzalaryn zaŋsyz alu shemalaryna qatysuǧa mäjbürleidı.
