Belgılı demograf Aleksei Rakşa jurnalist Iýrii Dudke bergen sūhbatynda Qazaqstannyŋ erekşelıkterın atady, dep habarlaidy «Adyrna» tılşısı.
«vDud» arnasyndaǧy sūhbat barysynda Aleksei Rakşa Qazaqstannyŋ Reseiden aitarlyqtai aiyrmaşylyǧy bar ekenın atap öttı. Būl aiyrmaşylyq tuu körsetkışınde de, halyqtyŋ jas qūrylymynda da baiqalady.
«Qazaqstanda ömır süru ūzaqtyǧy Reseige qaraǧanda joǧary, iaǧni ölım-jıtım az, al tuu körsetkışı älı de joǧary deŋgeide qalyp otyr. Ol 2,1-den artyq. Halyqtyŋ ömır süru sapasy jaqsardy, bıraq dästürler sol küiınde saqtalǧan», — dedı ol.
Dud Qazaqstanda soŋǧy ret 2021 jyly bolǧanyn aitty. Sol saparynda jurnalistı köşede jastardyŋ, balalardyŋ köptıgı taŋǧaldyrǧan. Rakşanyŋ aituynşa, mūndai körınıs äsırese eldıŋ batysy men oŋtüstıgınde baiqalady.
«Qazaqstandaǧy halyqtyŋ ortaşasy jasy şamamen 30–31 jasty qūraidy jäne körsetkış öte baiau ösıp keledı. Būl – älemdegı eŋ jas elderdıŋ bırı. Halyq Reseige qaraǧanda şamamen on jylǧa jas ärı baiau qartaiady»,– dedı Rakşa.
Onyŋ aituynşa, älemnıŋ köp elderınde kerısınşe jaǧdai baiqalady. Eŋ ülken tömendeu Şyǧys Aziiada (Japoniia, Oŋtüstık Koreia, Qytai) tırkelgen. Sondai-aq Europada da halyq sany jyldam azaiuda.
