Prezident Qasym-Jomart Toqaev Bas prokurorǧa äskerde qaza tapqan sarbazdardyŋ analarynyŋ aryzyn qaraudy tapsyrdy, dep habarlaidy “Adyrna”.
Būl turaly Qazaqstan Prezidentınıŋ baspasöz hatşysy Ruslan Jeldıbai jazdy.
"Qasym-Jomart Toqaev Bas prokurorǧa äskerde qaza tapqan sarbazdardyŋ analarynan tüsken aryz-şaǧymdy 12 kün ışınde qarastyryp, ıstı tergeu barysynda zaŋnyŋ saqtaluyna baǧa berudı tapsyrdy", delıngen habarlamada.
Bügıngı düisenbı, 10 qaraşada äskerde tuystary, balalalary qaza tapqan bır top adam Astanadaǧy Ükımet üiıne baryp öz talaptaryn bıldırgen. Olar Qazaqstannyŋ qaruly küşterınde reforma jürgızudı, japa şekkenderge ädıl ötemaqy töleudı talap ettı. Olar äskeri ısterdı qaitadan qozǧau, ädıl tergeu jürgızu arnaiy qoǧamdyq komissiia qūru, äskeri bölımderdegı beinebaqylau jüiesın jaŋartu, azamattardy äskerge 25 jasqa tolǧannan keiın şaqyru tärızdı talaptaryn bıldırgen.
Al düisenbı künı tüsten keiın Qorǧanys ministrlıgı azamattardyŋ şaǧymyn jeke-jeke qabyldaǧanyn aityp, äskerdegı qauıpsızdık küşeitılıp jatqany turaly mälımdeme taratty.
"Ömırıŋdı saqta", "Zaŋ jäne tärtıp" jäne basqa da baǧdarlamalar ıske asyrylyp jatyr. "Otbasymen beineqoŋyrau" servisı arqyly sarbazdardyŋ ata-anasymen tūraqty telefon bailanysy ūiymdastyrylǧan. Kündelıktı jeke qūramnyŋ dene bıtımı tekserıledı. Kazarmalar men qyzmetten berılgen üi-jailarda beinekameralar ornatylǧan. Suisidtıŋ aldyn alu jäne qaruǧa qol jetkızudı baqylau maqsatynda jasandy intellekt elementterı bar beinebaqylau jüiesı engızılıp jatyr", - dep jazylǧan Qazaqstannyŋ qorǧanys ministrlıgı taratqan mälımdemede.
