Human Rights Watch qūqyq qorǧau ūiymy İzraildı äskeri qylmystar, etnikalyq tazartu jäne adamzatqa qarsy qylmystar jasaǧan dep aiyptady, dep habarlaidy "Adyrna" ūlttyq portaly.
Ūiymnyŋ deregınşe, qaŋtar-aqpan ailarynda jürgızılgen «Temır qabyrǧa» operasiiasy kezınde İordan özenınıŋ Batys jaǧalauyndaǧy Djenin, Tulkarm jäne Nur-Şams palestinalyq lagerlerınıŋ şamamen 32 myŋ tūrǧyny küştep üilerınen şyǧarylǧan. Arada on ai ötkenıne qaramastan, olardyŋ eşqaisysy tuǧan üilerıne orala almaǧan. Al jüzdegen ǧimarat qiraǧan küiınde qalǧan.
105 betten tūratyn esepte İzrail äskeri bölımşelerınıŋ üilerdı tıntıp, tūrǧyndarǧa qonystarynan ketudı drondar arqyly habarlaǧan. Köşırılgen tūrǧyndar tuystarynyŋ üilerıne, meşıtter men mektepterge bas sauǧalauǧa mäjbür bolǧan.
Human Rights Watch zertteuşısı Milena Ansaridıŋ aituynşa, bırde-bır otbasy tuǧan üiıne qaita kıre almaǧan. İzrail äskerı infraqūrylym «qaruly toptar qoldanbas üşın» qiratylǧanyn aitqanymen, tūrǧyndardyŋ qaşan qaita orala alatyny turaly mälımet bermegen.
Ūiym sputniktık suretterdı, būiryqtardy jäne videojazbalardy taldau arqyly 850-den astam nysannyŋ joiylǧanyn anyqtaǧan. Al BŪŪ baǧalauy boiynşa būl körsetkış 1460 ǧimaratqa jetedı.
Human Rights Watch izraildık şeneunıkterdıŋ operasiiany «terroristık elementterge qarsy» dep tüsındırgenın, bıraq jappai köşıru men tūrǧyndardyŋ qaita oraluyna tyiym saludyŋ naqty sebebın körsetpegenın atap öttı.
