Berık Äbdıǧaliūly «Abay Live» podkastynda audan äkımderın sailau turaly pıkırın bıldırdı.
Äbdıǧaliūlynyŋ aituynşa, özı qyzmet etken jyldary auyl aqsaqaldary «nege äkımdı özımız taŋdamaimyz?» degen saualdy jiı kötergen. «Qazır naǧyz demokratiianyŋ auyldan bastalyp jatqany quantady. Soŋǧy jyldary elımızde ülken demokratiialyq prosesster jürıp jatyr», – dedı ol.
Podkast jürgızuşısı «eger äkım bır jyldan keiın qyzmetten ketse, qaitadan sailau ötkızıle me?» degen sūraq qoiǧan kezde, Äbdıǧaliūly: «İä, qalyptasqan tärtıp solai, nauqandy qaita bastauǧa tura keledı», – dep jauap berdı.
Sūhbat barysynda Berık Äbdıǧaliūly qarajat mäselesın de köterdı. Onyŋ aituynşa, soŋǧy 2–3 jylda 45 audan äkımı sailanypty. Soŋǧy bır jylda ǧana halyq jaŋa 6–7 audan äkımın sailaǧan. Tek bır jylda audan äkımderınıŋ sailauyna 1 milliard teŋge jūmsalǧan eken.
Kezınde Ūlytau oblysynyŋ alǧaşqy äkımı bolǧan Berık Äbdıǧaliūlynyŋ aituynşa, audan äkımderınıŋ sailauyn mäslihattardyŋ jürgızgenı abzal. Jürgızuşınıŋ soŋǧy qoiǧan sūraqtarynyŋ bırıne Berık Äbdıǧaliūly eŋ bastysy – audan äkımderınıŋ jūmysy tiımdı jäne nätijelı boluy kerek dep jauap berdı. Audandardaǧy mäslihat – būl özın-özı basqaru jüiesı, jürgızılıp jatqan jūmysty halyq tıkelei jäne özderınıŋ mäslihattaǧy ökılderı arqyly baqylau kerek, dep qorytyndylady öz sözın belgılı qoǧam qairatkerı.
