«Egemen Qazaqstan» gazetınde Memlekettık keŋesşı Erlan Qarinnıŋ Qazaqstannyŋ ışkı saiasatynyŋ jaŋa tūǧyrnamasyna arnalǧan keŋ auqymdy maqalasy şyqty, dep habarlaidy "Adyrna" ūlttyq portaly.
Materialda Memleket basşysy Qasym-Jomart Toqaev 5 qaraşada qol qoiǧan «Qazaqstan Respublikasy ışkı saiasatynyŋ negızgı qaǧidattary, qūndylyqtary men baǧyttaryn bekıtu turaly» Jarlyqtyŋ tarihi maŋyzy jan-jaqty taldanady.
Erlan Qarinnıŋ aituynşa, būl qūjat – Qazaqstanda alǧaş ret ışkı saiasatty jüielı türde aiqyndaityn bırtūtas ideologiialyq jäne ūiymdastyruşylyq akt. Būǧan deiın salanyŋ är kezeŋde qabyldanǧan baǧdarlamalary bolǧanymen, olardyŋ arasynda bırızdılık bolmaǧan jäne kei tūstarda bır-bırıne qaişy normalar kezdesken.
Memlekettık keŋesşı qūjatty äzırleuge tanymal sarapşylar, Ūlttyq qūryltai müşelerı men ǧylymi qauymdastyq jarty jyldan astam uaqyt eŋbek etkenın atap öttı. Tūjyrymdamada jalpyūlttyq qūndylyqtar, jaŋa nyşandar – şaŋyraq, dombyra, Abaidyŋ «Qara sözderı» sekıldı ūlttyq simvoldar bekıtılgen.
Maqalada «Zaŋ jäne tärtıp» qaǧidaty, «Taza Qazaqstan» jobasy, mekteptegı «Adal azamat» baǧdarlamasy, eŋbekqorlyqty därıpteu, jaŋa qoǧamdyq etikany qalyptastyru sekıldı baǧyttar egjei-tegjeilı sipattalady. Avtor sifrlyq keŋıstıktegı jalǧan aqparat, «aqparattyq reket», kenseling mädenietı siiaqty qauıpterge de erekşe toqtalyp, olardy retteudıŋ maŋyzyn atap ötedı.
Qarinnıŋ jazuynşa, qazırgı memlekettık saiasattyŋ basty erekşelıgı – jyldam nätije beretın formaldy ıs-şaralardan bas tartu jäne jüielılıkke köşu. Soŋǧy jyldardaǧy ekonomikalyq ösım, infraqūrylymdyq jobalar men äleumettık salany jaŋǧyrtu jūmystary osy ūstanymnyŋ nätijesın körsetedı.
