Qazaqstanda tarihi eskertkışterdıŋ mazmūndyq jäne maǧynalyq sapasyn arttyruǧa baǧyttalǧan jüielı jūmys qolǧa alynbaq. Būl turaly 5 qyrküiekte tanymal müsınşılermen kezdesken vise-prezident Erlan Qarin mälımdedı, dep habarlaidy “Adyrna”.
Onyŋ aituynşa, būǧan deiın eskertkışterdı ornatu tärtıbın retteuge basymdyq berılse, endı olardyŋ qoǧamdyq jäne ūlttyq maǧynasyna köbırek köŋıl bölınedı.
Qarinnıŋ pıkırınşe, elımızde ornatylyp jatqan eskertkışter ūlttyq bıregeilıktı nyǧaityp, qoǧamǧa ortaq qūndylyqtardy därıpteuı tiıs.
«Aldaǧy uaqytta tarihi jadty saqtau mäselelerımen jüielı türde ainalysatyn bolamyz. Osyǧan deiın eskertkışterdı ornatudy rettep, tärtıpke keltırdık. Endı olardyŋ maǧynalyq, mazmūndyq sapasyna qatysty jūmysty bastaimyz. Öitkenı, barlyǧyna ortaq bır ūstanym kerek. Öŋırlerde aşylǧan eskertkışterden jerşıldık pen qoǧamdaǧy taǧy da basqa bır keselderdıŋ belgılerı baiqalady. Şyn mänınde, qandai da bır eskertkış, müsın nemese şaǧyn säulet formasy bolsyn belgılı bır deŋgeide ūlttyq bıregeilıktı damytuǧa, ortaq qoǧamdyq qūndylyqtardy ornyqtyruǧa qyzmet etuı kerek», – dedı vise-prezident.
Ol būl baǧyttaǧy kemşılıkterdı tüzetu jūmystary jüielı ärı tūraqty türde jürgızıletının atap öttı.
Sonymen qatar Erlan Qarin eskertkış önerın damytuǧa qatysty ūsynystaryn ortaǧa salǧan. Taraptar osy baǧytta bırneşe jaŋa joba boiynşa bırlesıp jūmys ısteuge kelısken.
