Şyǧys Qazaqstan oblysynyŋ eŋ qiyryndaǧy auyldardyŋ bırı – Şanaǧaty üşın biyl erekşe jaŋalyqqa toly jyl boldy. Bırneşe ai būryn öŋırdıŋ būrynǧy äkımı Ermek Köşerbev Qazaqstandaǧy eŋ suyq nüktelerdıŋ bırıne arnaiy baryp, auyl jūrtymen kezdesıp, olardyŋ sūranys-tılekterın tyŋdaǧan edı. Sol kezdegı mäseleler nazardan tys qalmai, qazırgı oblys äkımı Nūrymbet Saqtaǧanov qoldauymen auylǧa köpten kütken internet tartylady.
Marqaköl audanyndaǧy eŋ şalǧai eldı mekenderdıŋ bırı sanalatyn Şanaǧatyda osy kezge deiın mekteptıŋ ışkı Wi-Fi-yn eseptemegende, tūraqty internet jelısı bolmaǧan. Qazır būl auylda 17 otbasy tūrady. Solardyŋ 13-ı «Starlink» jüiesıne qosyldy, al qalǧan üilerge tegın free Wi-Fi ornatyldy.
Auyl tūrǧyndary äleumettık jelıde jariialanǧan beinejazbasynda quanyştarymen bölıstı:
– Şalǧaidaǧy auylymyzda internetke qol jetkızıp otyrmyz. Būryn qajettı şaruany tyndyru üşın mektepke nemese körşı auylǧa baruǧa tura keletın. Endı bärın öz üiımızden-aq şeşe alamyz. Barşa tūrǧyndar atynan būl ıstı jüzege asyrǧan oblys äkımı jäne jergılıktı äkımdıkke alǧys aitamyz, – deidı olar.
İnternettıŋ keluı – tek bailanys ornatu ǧana emes, auyldyŋ äleumettık-ekonomikalyq damuyna jasalǧan maŋyzdy qadam. Būl şalǧai öŋırdıŋ tūrǧyndary üşın jaŋa mümkındıkter aşylyp otyr: qaşyqtan bılım alu, onlain jūmysqa ornalasu, medisinalyq keŋes alu, memlekettık qyzmetterdı üiden şyqpai paidalanu, sifrlandyru igılıgıne tolyq qol jetkızu.
Ǧalamtordyŋ keluı – jyraqta jatqan Şanaǧaty üşın zor serpılıs. Tūrǧyndar üşın būl kündelıktı ömır sapasynyŋ aitarlyqtai jaqsaruy, al auyldyŋ özı üşın jaŋa damudyŋ bastamasy bolmaq.
Şalǧai auylǧa jaŋa igılıktıŋ jetuı – tek tehnologiialyq jaŋaru ǧana emes, eŋ bastysy, öŋırge degen qamqorlyqtyŋ aiqyn körınısı.
