Şymkent qalasynyŋ äkımı Ǧabit Syzdyqbekov būrynǧy orynbasary Ruslan Berdenovke jasalǧan şabuylǧa bailanysty pıkır bıldırdı, dep habarlaidy "Adyrna" ūlttyq portaly.
Äkım aldymen būl ıs boiynşa sot ükımı şyǧarylǧanyn, al äkımdık qūqyq qorǧau organy emes ekenın atap öttı.
Syzdyqbekov Berdenovtı atqan Ernar Jienbaidyŋ «qastandyqqa Syzdyqbekov tapsyrys berdı» degen sözıne qatysty jauap berdı.
«Menıŋ orynbasarym Berdenov ol uaqytta jūmysyna kırıskenıne bır aiǧa da tolmaǧan. Onyŋ su resurstaryna nemese marketing mäselesıne eş qatysy joq. Baspasöz qyzmetı türlı äŋgımelerdı körsetıp otyrady. «Ol kelgelı qala jarqyrai bastady» degen sözder aityldy. Şyn mänınde, ol qyzmetıne endı kırısıp jatqan kezeŋ edı. Al ary qarai ne bolǧanyn özıŋız bılesız.
Är adam öz oiyn aituǧa qūqyly. «Menıŋ qatysym bar» degen äŋgıme — olardyŋ ışınen şyqqan pıkır. Menıŋ oǧan qandai qatysym boluy mümkın? Ärine, adam özın qorǧau üşın ne aitpaidy? Sot şeşımı şyqty, mäsele jabyldy. Ony qaita-qaita qozǧai berudıŋ qajetı joq», — dedı ol.
Eske salaiyq, 21 säuır künı qala äkımdıgı ǧimaraty maŋynda Ernar Jienbai Ruslan Berdenovke oq atqan edı. Berdenov jaraqat alyp, auruhanaǧa jetkızıldı. Därıgerlerdıŋ aituynşa, ota şamamen tört saǧatqa sozylǧan. Küdıktı oqiǧa ornynda ūstaldy.
