شىمكەنت قالاسىنىڭ اكىمى عابيت سىزدىقبەكوۆ بۇرىنعى ورىنباسارى رۋسلان بەردەنوۆكە جاسالعان شابۋىلعا بايلانىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
اكىم الدىمەن بۇل ءىس بويىنشا سوت ۇكىمى شىعارىلعانىن، ال اكىمدىك قۇقىق قورعاۋ ورگانى ەمەس ەكەنىن اتاپ ءوتتى.
سىزدىقبەكوۆ بەردەنوۆتى اتقان ەرنار جيەنبايدىڭ «قاستاندىققا سىزدىقبەكوۆ تاپسىرىس بەردى» دەگەن سوزىنە قاتىستى جاۋاپ بەردى.
«مەنىڭ ورىنباسارىم بەردەنوۆ ول ۋاقىتتا جۇمىسىنا كىرىسكەنىنە ءبىر ايعا دا تولماعان. ونىڭ سۋ رەسۋرستارىنا نەمەسە ماركەتينگ ماسەلەسىنە ەش قاتىسى جوق. ءباسپاسوز قىزمەتى ءتۇرلى اڭگىمەلەردى كورسەتىپ وتىرادى. «ول كەلگەلى قالا جارقىراي باستادى» دەگەن سوزدەر ايتىلدى. شىن مانىندە، ول قىزمەتىنە ەندى كىرىسىپ جاتقان كەزەڭ ەدى. ال ارى قاراي نە بولعانىن ءوزىڭىز بىلەسىز.
ءار ادام ءوز ويىن ايتۋعا قۇقىلى. «مەنىڭ قاتىسىم بار» دەگەن اڭگىمە — ولاردىڭ ىشىنەن شىققان پىكىر. مەنىڭ وعان قانداي قاتىسىم بولۋى مۇمكىن؟ ارينە، ادام ءوزىن قورعاۋ ءۇشىن نە ايتپايدى؟ سوت شەشىمى شىقتى، ماسەلە جابىلدى. ونى قايتا-قايتا قوزعاي بەرۋدىڭ قاجەتى جوق»، — دەدى ول.
ەسكە سالايىق، 21 ءساۋىر كۇنى قالا اكىمدىگى عيماراتى ماڭىندا ەرنار جيەنباي رۋسلان بەردەنوۆكە وق اتقان ەدى. بەردەنوۆ جاراقات الىپ، اۋرۋحاناعا جەتكىزىلدى. دارىگەرلەردىڭ ايتۋىنشا، وتا شامامەن ءتورت ساعاتقا سوزىلعان. كۇدىكتى وقيعا ورنىندا ۇستالدى.
