Almaty oblysynda Ile audanynyŋ būrynǧy äkımı Baǧdat Qarasaevqa qatysty rezonansty qylmystyq ıs boiynşa sot ükımı şyqty. Is bırneşe jylǧa sozylǧan tergeu nätijesınde qaralyp, eks-şeneunık bırqatar auyr aiyptar boiynşa jauapqa tartyldy, dep habarlaidy "Adyrna".
Baǧdat Qarasaev är jyldary Taldyqorǧan qalasynyŋ äkımı jäne Ile audanynyŋ äkımı qyzmetterın atqarǧan. Tergeu nūsqasyna säikes, ol osy lauazymdarda jürgen kezınde qyzmettık ökılettıkterın jeke jäne affilirlengen qūrylymdardyŋ müddesıne paidalanǧan.
Taldyqorǧan qalasynda äkım bolǧan kezeŋde Qarasaev investisiialyq joba syltauymen qoqys öŋdeu zauytyna arnalǧan jer telımın jeke kompaniiaǧa uaqytşa ärı öteusız paidalanuǧa bergen. Alaida joba tolyq ıske asyrylmai, soǧan qaramastan jer telımı zaŋ talaptaryn būza otyryp kompaniianyŋ jeke menşıgıne tegın berılgen. Keiın būl şeşım sot arqyly zaŋsyz dep tanylyp, jer memleket menşıgıne qaitaryldy. Memleketke keltırılgen şyǧyn şamamen 4 million teŋge dep baǧalandy.
Ile audanynyŋ äkımı qyzmetın atqarǧan kezınde Qarasaevtyŋ qoqys poligonyna bailanysty bizneske zaŋsyz aralasqany anyqtaldy. Tergeu derekterıne süiensek, ol senımdı tūlǧalar arqyly qoqys qaldyqtaryn basqarumen ainalysatyn kompaniiany baqylap otyrǧan.
Atalǧan kompaniiaǧa poligon maŋynan jer bölınıp, qatty tūrmystyq qaldyqtar poligony 7 jylǧa senımgerlık basqaruǧa berılgen. Tender barysynda bäsekelestık bolmaǧan, al kelısımşarttan memlekettıŋ müddesın qorǧaityn maŋyzdy talaptar alynyp tastalǧan.
Kompaniia ekologiialyq talaptardy saqtamaǧan, jūmys oryndaryn qūrmaǧan jäne paidadan memleketke tiesılı ülestı audarmaǧan. Tergeu deregınşe, tüsken qarajat qolma-qol şeşılıp, jasyryn türde taratylǧan. Sonymen qatar, eks-äkım kelısımşarttyŋ uaqytyn artqa qarai şamalap, ūzaq merzımge ūzartuǧa tyrysqan.
Sot Baǧdat Qarasaevty bır epizod boiynşa aqtaǧanymen, qyzmettık ökılettıkterdı terıs paidalanu jäne käsıpkerlık qyzmetke zaŋsyz qatysu baptary boiynşa kınälı dep tanydy. Nätijesınde ol 3 jyl 3 aiǧa bas bostandyǧynan aiyryldy. Jazasyn eŋ tömengı qauıpsızdık deŋgeiındegı mekemede öteidı.
Sonymen qatar, sot memleket basşysyna Qarasaevty «Parasat» jäne «Qūrmet» ordenderınen aiyru turaly ūsynys engızu jönınde şeşım qabyldady.
