Qazaqstan Respublikasy Parlamentı Mäjılısınıŋ deputaty İmaşeva Snejanna Valerevna Batys Qazaqstan oblysyna ıs-sapary barysynda «Batys hub» innovasiialyq ortalyǧy jūmysymen tanysty. Batys Hub — Batys Qazaqstandaǧy sifrlyq daǧdylardy damytuǧa, startaptardy qoldauǧa jäne myqty IT-qoǧamdastyq qūruǧa arnalǧan aimaqtyq alaŋ. Hab jaŋa jobalardyŋ paida boluyna jäne tehnologiialyq käsıpkerlıktıŋ ösuıne qolaily orta qalyptastyrady.
Batys Hub-tyŋ missiiasy — oquǧa, startaptardy ıske qosuǧa, pıkırles adamdardy tabuǧa jäne aimaqtyq tehnologiialyq qozǧalystyŋ bır bölıgı boluǧa mümkındık beretın IT-ekojüienı qūru.
Batys Hub öz jūmysyn 2023 jyldyŋ nauryz aiynda Jaiq Hub atauymen bastady. 2025 jyldyŋ 6 qazanynda hab märtebesı resmi türde bekıtılıp, Batys Hub dep atalyp, rebrending jürgızıldı. Būl kezeŋ aimaqtyq brendtı nyǧaityp, missiiany küşeitken jaŋa damu satysyn bıldıredı.
«Deputattardyŋ öŋırlerge sapardaǧy eŋ basty maqsaty – Mäjılıste atqarylǧan jūmystardy talqylau. Onyŋ ışınde sailauşylarmen kerı bailanys jürgızu negızgı qyzmetımız. Öŋırdegı saparym Börlı audany men Terektı audanynan bastau aldy. Tūrǧyndardyŋ kezdesulerde qoiatyn negızgı sūraqtary äleumettık-ekonomikalyq ahualǧa bailanysty. Bügıngı bız tanysyp tūrǧan nysan – Batys hub ortalyǧy qazırgı sifrlandyru däuırındegı asa maŋyzdy nysandardyŋ bırı. Sebebı Memleket basşysy da atap ötkendei, biylǧy jyl sifrlandyru jäne jasandy intellekt jyly dep jariialanǧan bolatyn. Qazırgı taŋda asa qarqyn alyp kele jatyrǧan onlain tölemder, sifrlyq qyzmetter kündelıktı ömırımızge endı. Al būl ortalyqtar basqa da baǧyttardy, densaulyq saqtau, bılım salasy siiaqty baǧyttardaǧy ärtürlı mäselelerdı jeŋıldetuge ülken mümkındık beredı», - dedı Qazaqstan Respublikasy Parlamentı Mäjılısınıŋ deputaty Snejanna İmaşeva.
Ortalyqta qazırgı taŋda 20-ǧa juyq mamandar şoǧyrlanǧan. Olardyŋ bırqatar jobalary älemdık dodalarda üzdıkter qatarynan körındı. Auyl şaruaşylyǧy, qūrylys salasy, balalar densaulyǧy taqyryptarynda bırqatar sala mamandary öz jobalarynyŋ tanystyrylymyn jürgızdı. Sonymen qatar joba avtorlary qazırgı taŋda qoǧamǧa tigızetın paidasy, qarajat tabu mümkındıkterı taqyryptaryna toqtalyp öttı.
