Premer-ministr Oljas Bektenov QR Prezidentı janyndaǧy Şeteldık investorlar keŋesınıŋ aralyq otyrysyn ötkızdı. İnvestorlardy qoldau jäne Qazaqstanda jasandy intellekt pen sifrlyq şeşımderdı keŋınen qoldana otyryp, jaŋa buynnyŋ joǧary tehnologiialyq öndırısterın bırlesıp qalyptastyru mäselelerı qaraldy.
Ükımet Memleket basşysynyŋ tapsyrmasy boiynşa proaktivtı investisiialyq saiasatty engızu jūmystary jürgızude. Jasandy intellektını damytu jäne sifrlyq transformasiia ūlttyq basymdyqtardyŋ bırı retınde aiqyndaldy. Qoiylǧan mındetterge qol jetkızu üşın institusionaldyq qūrylym qalyptastyryldy: halyqaralyq sarapşylardyŋ qatysuymen Jİ damytu jönınde Prezident janyndaǧy keŋes qūrylyp, Sifrlyq ştab jūmys ısteidı. Sifrlyq klasterdı nyǧaitu üşın halyqaralyq Alem.ai Jİ ortalyǧy aşyldy, sonymen qatar infraqūrylymdyq jobalar, onyŋ ışınde «Derekterdı öŋdeu ortalyǧy alqaby» men Astana Hub ekojüiesı jüzege asyryluda. Tehnologiialyq jobalardyŋ auqymyn keŋeitu üşın startaptardyŋ üdetkışı retınde Venchurlyq investisiialar qory ıske qosyldy. Qūny $1 mlrd-tan asatyn Playrix, Mytona jäne NetCracker siiaqty ırı kompaniialar qazaqstandyq naryqqa endı.
«El Prezidentınıŋ nūsqaularyna säikes jüzege asyrylyp jatqan strategiia sifrlyq sektordy qarqyndy damytuǧa jäne IT qyzmetterı eksportynyŋ kölemın biyl $1,2 mlrd-qa deiın arttyruǧa baǧyttalǧan. Tūtastai alǧanda, sifrlyq transformasiia jäne Jİ damuy bız üşın tūraqty ekonomikalyq ösu, memlekettık basqarudyŋ tiımdılıgın arttyru jäne azamattardyŋ ömır süru sapasyn jaqsartudaǧy maŋyzdy elementter sanalady. Būl rette Ükımet barlyq salada investorlarmen syndarly dialog ornatuǧa aşyq ärı tabysqa jetuge jäne elımızdıŋ damuyna yqpal etetın şeşımderdı bırlesıp talqylauǧa äzır», — dep atap öttı Oljas Bektenov otyrysta söilegen sözınde.
Premer-ministr Keŋestıŋ 37-şı jalpy otyrysynyŋ qorytyndysy boiynşa berılgen tapsyrmalardyŋ jüzege asyrylu nätijelerın tyŋdady. 2025 jyly Qazaqstannyŋ investisiialyq tartymdylyǧyn arttyru şeŋberınde investorlyq viza berudıŋ jaŋa erejelerı bekıtıldı. Şeteldık azamattar üşın 10 jylǧa deiıngı tūruǧa rūqsat berudı közdeitın «Altyn viza» engızıldı. Syrtqy ıster ministrınıŋ orynbasary Älıbek Quantyrov ūlttyq qauıpsızdık talaptaryn eskere otyryp, sertifikattalǧan «būltty» servisterdı paidalanudy retteu boiynşa şaralar qabyldanyp jatqanyn baiandady. Salyq kodeksıne engızılgen özgerısterge bailanysty jaŋa normalardy tüsındıru jäne şeteldık taraptar kötergen özektı mäselelerdı talqylau maqsatynda Şeteldık investorlar keŋesınıŋ ökılderımen kezdesuler ötkızıldı.
Keŋestıŋ 38-şı plenarlyq otyrysyna daiyndyq barysy turaly Premer-ministrdıŋ orynbasary – jasandy intellekt jäne sifrlyq damu ministrı Jaslan Mädiev baiandady. Bügıngı taŋda Qazaqstanda sifrlyq elge ainalu jolyndaǧy qūqyqtyq jäne tehnologiialyq baza qalyptasty: Prezident Qasym-Jomart Toqaev Sifrlyq kodekske qol qoidy, jasandy intellekt negızındegı şeşımder däiektı türde engızılude, otandyq tıldık ülken modelder men memlekettıŋ sifrlyq servisterı damuda. Basty nazarda adami kapitaldy damytu jäne sifrlyq klasterdı nyǧaitu mäselesı tūr.
Otyrysta investisiialyq saiasatty jüzege asyru; energetika, ekologiia jäne mūnai-gaz salasy mäselelerı; eŋbek zaŋnamasy, adami kapitaldy damytu jäne şeteldık jūmys küşın tartu mäselelerı; sifrlandyru; densaulyq saqtau jäne farmasevtika önerkäsıbın damytu mäselelerı boiynşa bırlesken jūmys toptarynyŋ baiandamalary tyŋdaldy. Tauarlardyŋ kedendık qūny jäne QQS beitaraptyǧy, halyqaralyq täjıribege süiene otyryp, mūnai-gaz sektoryndaǧy metan qaldyqtaryn retteu mäselelerı qozǧaldy, şeteldık jūmys küşın vizalyq qoldau, tälımgerlıktı ūiymdastyru jönınde ūsynystar engızıldı. Köpşılıkke arnalǧan «būltty» servisterdı retteu mäselesınde innovasiialar men qauıpsızdık arasyndaǧy tepe-teŋdıktı ūstau qajettılıgı aityldy, densaulyq saqtau boiynşa käsıptık daiarlyq, taǧylymdama men dualdy bılım beru baǧdarlamasynda memlekettık-jekemenşık ärıptestıktı damytudyŋ maŋyzdylyǧy atap ötıldı.
İnvestorlar kötergen mäseleler boiynşa Ūlttyq ekonomika, Energetika, Eŋbek jäne halyqty äleumettık qorǧau, Jasandy intellekt jäne sifrlyq damu, Densaulyq saqtau ministrlıkterınıŋ basşylary pıkırlerın bıldırdı.
Energetika salasyna sifrlyq şeşımderdı engızuge erekşe nazar audaryldy. Äue elektr jelılerınıŋ aqauyn tekserude sättı jüzege asyp jatqan Jİ-defektoskopiiasynyŋ joǧary tiımdılıgı atap ötıldı. Mäselen, pilottyq joba aiasynda 2 kün ışınde 618 ETJ tıregı tekserılıp, 2 myŋnan astam suret öŋdelıp, 7 myŋǧa juyq aqau anyqtalǧan. Tiptık ülgıdegı zaqymdanudy tanu däldıgı 98%-ǧa jettı, sonyŋ ışınde oqşaulaǧyştardyŋ lastanuy men şytynauy, tırekterdıŋ deformasiiasy, bekıtpelerdıŋ bolmauy jäne jelılerdıŋ üzılu qaupı naqty anyqtaldy. Sondai-aq teploviziia jäne lidar jüielerın engızu sifrlandyrudyŋ äserın küşeitıp, keşendı diagnostikaǧa köşuge mümkındık berdı. Sonymen qatar jylu jelılerınde akustikalyq rezonans negızınde robottandyrylǧan qūbyrışılık diagnostika jüzege asyryluda. Būl jaŋaşyldyq qūbyrlardy sol küiınde ışınen tekseruge jäne jöndeu jūmystaryn naqty qajet jerlerde jürgızuge mümkındık beredı. Şymkenttegı pilottyq joba 2025 jyly 1,2 şaqyrymdyq jylu jelılerın tekseru kezınde 70%-dan astam ünem jasauǧa bolatynyn körsettı. Odan bölek, gaz salasynda gaz eseptegışterınıŋ körsetkışterın fotosy boiynşa avtomatty türde tanu üşın mobildı qosymşaǧa Jİ kömekşısı engızıldı. Şeşım operatorlarǧa tüsetın jüktemenı azaityp, adam faktoryna bailanysty qatelerdı boldyrmauda tiımdı ekenın däleldedı.
Şeteldık investorlarmen aşyq dialog barysynda köptegen mäseleler talqylandy.
Marubeni korporasiiasy japondyq kompaniialardyŋ Jİ jäne sifrlyq tehnologiialarǧa qatysuyna, sonyŋ ışınde olardy äleumettık osal toptardy qoldau üşın qoldanu mümkındıgıne qyzyǧuşylyq bıldırdı. Jasandy intellekt jäne sifrlyq damu ministrlıgı Smart Data Ukimet-te «Otbasynyŋ sifrlyq kartasy» negızınde jasandy intellektınıŋ praktikalyq jaǧdailaryn mysalǧa keltırdı, sondai-aq «Äleumettık ämiiannyŋ» damuyn atap öttı.
Polpharma kompaniiasy pasientterdıŋ qauıpsızdıgı men jalǧan därı-därmektermen küresu mäselelerın köterdı. Densaulyq saqtau ministrlıgı 2024 jylǧy 1 şıldeden bastap preparattardy mındettı taŋbalaudy jäne naryqtan därı-därmekterdı ırıkteudıŋ täuekelge baǧdarlanǧan tetıgın engızu josparlary turaly habarlady.
Sondai-aq CNPC, EY, JP Morgan, Kazzinc (Glencore) kompaniialary mūnaidy tasymaldauǧa arnalǧan tarifter, derekterdı lokalizasiialau jäne olardy transşekaralyq jolmen beru jönındegı talaptardy jaŋǧyrtu, tau-ken-metallurgiia keşenınde salyq salu jäne basqa da mäselelerdı özektendırdı.
Otyrys qorytyndysy boiynşa Premer-ministr memlekettık organdar men ūiymdarǧa «Qazaqstannyŋ şeteldık investorlar keŋesı» qauymdastyǧymen bırlesıp barlyq aitylǧan mäseleler men ūsynystardy pysyqtaudy tapsyrdy.
Şeteldık investorlar keŋesı aiasynda QR Premer-ministrı Oljas Bektenov şeteldık kompaniialardyŋ basşylarymen kezdestı.
Europalyq qaita qūru jäne damu bankınıŋ Ortalyq Aziia men Moŋǧoliia boiynşa basqaruşy direktory Husein Ozhanmen kezdesude Qazaqstannyŋ EQDB-men strategiialyq ärıptestıgınıŋ perspektivalary, onyŋ ışınde basym salalar talqylandy. Bank jūmysynyŋ barlyq kezeŋınde elımızde $12 mlrd-tan astam somaǧa 345 jobadan tūratyn pul qūrylǧany atap ötıldı.
Halyqaralyq qarjy instituttarymen özara ıs-qimyldyŋ jaŋa formaty qaraldy: endı jūmysty Premer-ministrdıŋ töraǧalyǧymen Üilestıru keŋesı retteitın bolady. QR Ükımetınıŋ bırlesken bastamalardy üzdıksız jüzege asyru üşın qoldaudy qamtamasyz etuge äzırlıgı atap ötıldı.
Beeline Kazakhstan holdingınıŋ prezidentı Evgenii Nastradinmen kezdesu barysynda sifrlyq infraqūrylymdy odan ärı damytu jäne Qazaqstanda VEON Group bırlesken jobalaryn jüzege asyru mäselelerı talqylandy. Beeline Kazakhstan kompaniiasynyŋ 11 mln-nan astam abonentke qyzmet körsetuge jäne sifrlyq inkliuziia men sifrlyq sauattylyqty arttyru jönındegı bastamalarǧa qatysuǧa qosqan ülesı atap ötıldı.
Premer-ministr Ükımettıŋ qajettı qoldau körsetuge daiyn ekendıgın rastady jäne salalyq ministrlıkterge aitylǧan ūsynystardy, sonyŋ ışınde Jİ jäne sifrlyq şeşımderdı qoldana otyryp, jaŋa innovasiialyq jobalardy pysyqtaudy tapsyrdy.
