Jai künderı «anau jetpeidı, mynau jetpeidı» dep jylap otyramyz. Bıraq qalaǧa bır älemdık jūldyz kele qalsa, alpys myŋdyq konsert biletı alty sekundta satylyp ketedı.
Sūranystyŋ köptıgı sonşalyq tıptı arnaiy qosymşalar halyqtyŋ nöpırıne şydamai, ısten şyǧyp jatady. Osyndaidan keiın özımızdı kedeimız dep aita alamyz ba?
Taǧy bır mysal. Biyldan bastap kölık nömırın taŋdap satyp aluyna mümkındık beretın zaŋ küşıne endı. Eŋ arzan nömırdıŋ özı 42 myŋ teŋgeden bastalady. Soǧan qaramastan arnaiy halyqqa qyzmet körsetu ortalyqtarynda adam qarasy qalyŋ, kezek tıptı köşege deiın şyǧyp ketken.
Osydan keiın «eldıŋ aqşasy joq» dep aita almaimyz au. Būl az deseŋız, jaqynda Vetnamnyŋ Fukuok aralynda kädımgı qazaqtyŋ «qyzyl örıgı» qoiylyp, turister jinalatyn alaŋqai bır sätke Şymkenttegı meiramhanaǧa ainalyp ketken. Şaŋyn şyǧaryp bilep jatqan özımızdıŋ qaraközder. Turisterdıŋ denı – otandastarymyz.
Aqşa joq bolsa, Vetnam, Dubai, Tailandtyŋ jaǧajailaryn qalai toltyryp jürmız? Äke-şeşemızdıŋ auylyna barǧandai, şabadanymyzdy alyp, oilanbastan jolǧa şyǧamyz. Barǧan soŋ sauyq qūryp, qolymyzdaǧy jap-jaŋa aifon 17-men jarqyldatyp suretke tüsemız.
Kez kelgen avtosalon nemese üi satatyn kompaniia şaǧyn ǧana aksiia jariialasynşy kezek taŋǧy besten bastalyp ketedı. Eger şynymen aqşa joq bolsa, ondai kezekte tūrmas edık qoi.
Jaqynda oraza aiy. Auyz bekıtıp, auyzaşar jasaimyz. Sol baiaǧy ädetımızden tanbai, dastarhanymyzdy asta-tök jasap, daraqylyqqa jol beremız. Muftiiattyŋ qasiettı aida «ysyrapşyldyqqa jol bermeiık» degen qarapaiym talaptaryna da pysqyrmaimyz. Mūnyŋ bärı ne üşın? Maqtan üşın be?
Şyn mänınde mäsele kedeilıkte emes. Mäsele öz qaltamyzǧa qaramai ömır süruımızde. Toi üşın, demalys üşın, jaŋa aifon üşın nesie alyp, tynyş jinap, şamasyna qarai ömır sürudıŋ ornyna, közge tüsuge tyrysamyz. Sosyn baryp taǧy da «aqşa joq» dep şaǧynamyz. Aqşa joq emes bar. Tek bız ötırık jylaityn siiaqtymyz.
