Qazaqstannyŋ taǧy bırneşe bankı körşı elden şetelge 7 trln teŋge «audaryldy» degen ıske qatysy baryn joqqa şyǧardy. Būl turaly būǧan deiın Qazaqstan Prezidentı Qasym-Jomart Toqaev mälımdegen bolatyn, dep habarlaidy «Adyrna».
«Būl aqparat Alatau City Bank-ke qatysy joq», - dep tüsındırdı beisenbı künı banktıŋ baspasöz qyzmetı KazTAG redaksiiasyna.
«Nūrbank» ökılderı qai bank turaly söz bolyp otyrǧanyn bılmeitının aitty. Al Toqaev sipattaǧan kümändı shemaǧa qatysy baryn Bank RBK, ForteBank jäne “Fridom bank” tıkelei joqqa şyǧardy.
«Bank SentrKredit» (BSK) zaŋnamany, sondai-aq qarjy instituttaryna qatysty barlyq talaptar men normalardy qataŋ saqtaitynyn mälımdedı.
«Bız ARRFR, Ūlttyq bank, Qarjylyq monitoring agenttıgı jäne basqa da memlekettık organdar tarapynan tūraqty tekserulerden ötıp tūramyz. Zaŋ būzuşylyqtar men zaŋsyz nemese kümändı operasiialarǧa qatysu derekterı anyqtalǧan joq, bankke qatysty retteuşı organdar tarapynan eşqandai şara qoldanylǧan emes», - dep jauap berdı BSK.
Būǧan deiın de bırqatar basqa bank 7 trln teŋgenı şetelge şyǧaru shemasyna qatysy joq ekenın mälımdegen.
Atap aitqanda, «Otbasy bankınıŋ» baspasöz qyzmetı mūndai operasiialardyŋ olardyŋ bankıne qatysy joq ekenın aitty. Sonymen qatar «Halyq bank», «Altyn bank», «Houm Kredit bank» jäne «Euraziialyq bank» te özderınıŋ atalǧan kümändı qarjy operasiialaryna qatysy baryn joqqa şyǧardy.
Elımızdegı eŋ ırı ärı köne bankterdıŋ bırı resmi tüsınıkteme beruge uaqyt sūrasa, özge bankter redaksiiadan elektrondy poşta arqyly resmi sūrau joldaudy ötıngen. Al «Bank SentrKredit» jurnalistık saualǧa erekşe talap qoiǧan jalǧyz bank bolyp şyqty.
Eske salaiyq, 28 qaŋtar künı Qarjylyq monitoring agenttıgınde ötken keŋeste Toqaev agenttık töraǧasy Janat Elimanovtyŋ baiandamasyna sılteme jasap, 2025 jyly körşı elden bır qazaqstandyq bank arqyly basqa elderge 7 trln teŋgeden astam qarjy «audarylǧanyn» aitqan. Osyǧan bailanysty Prezident Qarjylyq monitoring agenttıgıne, Qarjy naryǧyn retteu jäne damytu agenttıgıne jäne Ūlttyq bankke naqty tapsyrmalar bergen.
Keiın saiasattanuşy Ǧaziz Äbışev Toqaevtyŋ osy mälımdemesınen keiın Qazaqstan bilıgınıŋ qandai şara qabyldauy mümkın ekenı turaly öz boljamymen bölıstı
