Almaty oblysynda ekı jarym jyl būryn ız-tüssız joǧalyp ketken 28 jastaǧy er adam ölı tabyldy, dep habarlaidy "Adyrna" ūlttyq portaly.
Būl aqparatty Lider.kz erıktıler qozǧalysy Instagram jelısındegı paraqşasynda jariialaǧan.
Mälımetke säikes, Habidulla Jalǧas Habidullaūly 2023 jylǧy 4 mausym künı joǧalǧan. Sol künı taŋǧy saǧat 09:00 şamasynda ol Jambyl audany Qarǧaly auylyndaǧy Üşqoŋyr köşesınde ornalasqan üiınen şyǧyp ketken.
Izdeu barysynda er adamnyŋ belgılerı jariialanǧan. Onyŋ dene bıtımı ortaşa, közı qoŋyr, şaşy qysqa ärı qara bolǧan. Joǧalǧan kezde üstınde djinsy kürteşe, sūr tüstı futbolka, kök djinsy şalbar jäne qoiu kök tüstı krossovka bolǧan.
Erıktılerdıŋ mälımetınşe, er adamnyŋ denesı 2025 jylǧy 23 jeltoqsanda tabylǧan. Qazırgı uaqytta oqiǧanyŋ basqa män-jailary naqtylanyp jatyr.
Qūzyrly organdar būl jaǧdai boiynşa tekseru jürgızuı mümkın.
