Äkelerdıŋ bala kütımıne bailanysty demalysy zeinetaqy taǧaiyndau kezınde eŋbek ötılıne esepteledı. Būl turaly bügın, 4 aqpanda Mäjılıstıŋ baspasöz qyzmetı jazdy, dep habarlaidy «Adyrna» tılşısı.
«Qabyldanǧan zaŋ aiasynda kämelet jasyna tolmaǧan balalarǧa naqty kütım jasaǧan uaqyt endı jūmys ıstemeitın äkelerdıŋ jasyna bailanysty zeinetaqy tölemderın taǧaiyndau kezınde eŋbek ötılıne esepteletın bolady. Tiıstı naqtylaular Konstitusiialyq sottyŋ normativtık qaulysyn ıske asyru maqsatynda Äleumettık kodekske engızıledı»,-delıngen habarlamada.
Sonymen qatar deputattardyŋ ūsynysy boiynşa jūmys beruşınıŋ bastamasymen jalǧyzbasty ata-analarǧa (jynysyna qaramastan) qatysty eŋbek şartyn būzuǧa tyiym salynady. Osyǧan bailanysty «jalǧyzbasty analar» ūǧymy «jalǧyzbasty ata-ana» dep özgertıledı.
Būdan bölek, mäslihattardyŋ qūzyretı tiptık erejeler negızınde «Oblystyŋ (qalanyŋ, audannyŋ) Qūrmettı azamaty» ataǧyn beru qaǧidalaryn äzırleu jäne bekıtu boiynşa tolyqtyrylady.
