Keiıngı kezde menen Konstitusiiany talqylap jatqanda, nege ünsız qalǧanymdy jiı sūrap jatyr. Qysqa qaiyrsam: maǧynasyz jūmystan şarşadym.
İä, men – qazırgı Konstitusiianyŋ avtorlarynyŋ bırımın. Talqylau kezınde ekı mäsele üşın kürestım: Konstitusiialyq sotty saqtau jäne Parlamenttıŋ ökılettıgın şektemeu. Bıraq ekeuı de qabyldanbady. Soǧan qaramastan, men būl Konstitusiiadan ūialmaimyn.
Men Nazarbaev pen onyŋ otbasynyŋ jeke bilıgın nyǧaituǧa baǧyttalǧan keiıngı tüzetulerden ūialamyn. Nazarbaevtyŋ kezınde-aq osy masqara tüzetulerdıŋ barlyǧyn taldap, Konstitusiiany jetıldıru boiynşa bırqatar ūsynystar engızu turaly auqymdy maqala jazdym. Onyŋ ışınde bır palataly Parlament te bar.
Toqaevtyŋ kezınde de engızılgen bırqatar tüzetuge qarsy boldym. Ärine, eşqaisy eskerılmedı.
Qazır de solai bolmaq. Tüzetuler mätını äldeqaşan daiyndalyp qoiǧan jäne eşkım eşteŋenı özgertpeidı. Konstitusiialyq komissiia, būl – fars. Onyŋ qūramynda jüzdegen adam bar. Al zaŋdardyŋ mätının şaǧyn bır top jazady.
Konstitusiialyq sarapşylar tobynda 12 adam boldy. Sol kezde de bız Şaikenovtıŋ toby äldeqaşan daiyndap qoiǧan, aiaqtalǧan jobany talqylaǧan edık. Azamattyq kodekstı menıŋ basşylyǧymmen 12 ǧalymnan tūratyn top jazǧan. Mūnda da solai. Şaǧyn bır top mätının jazdy. Al Konstitusiialyq komissiia ony bırauyzdan qoldady.
Men ǧalymdardyŋ özderı ūsynyp, tyrysyp jatqan äreketterın qūptaimyn. Jūmageldı Elubaev, Orazaly Erjanov, Janar Süleimenova jäne basqa da belsendıler bar. Bıraq ol ūsynystardyŋ eşbırı qabyldanbaitynyna kämıl senımdımın.
Konstitusiia manifest emes, būl — zaŋ. Baǧdarlama da emes. Ol bolaşaqqa şaqyrmaidy, qazır bardy bekıtedı. Sondyqtan preambula turaly maqtaular men basqa da nasihat ūrandary orynsyz.
Jobanyŋ basty kemşılıgı — erkın sailaudy joiu. Oppozisiialyq partiia qūruǧa mümkındık bermeu, Parlamenttı tek partiialyq tızım boiynşa qūru — būl demokratiiadan bas tartu.
Eŋ üzdık Konstitusiia — 1993 jylǧy Konstitusiia bolǧan edı. Odan keiıngılerı barǧan saiyn naşarlap barady.
Ökınışke qarai, bızdıŋ ūsynystarymyz eskerılmeidı. Al maǧan maǧynasyz jūmys ıstegen ūnamaidy. Sondyqtan ünsız qaldym. Osy jazbadan keiın endı bır auyz söz de aitpaimyn.
