Qytaidyŋ halyq-azattyq armiiasynyŋ joǧary qolbasşylyǧynda auqymdy tazalau jūmystary jalǧasyp jatyr. The New York Times būl jaǧdaidy eldıŋ qazırgı zamanǧy tarihyndaǧy būryn-soŋdy bolmaǧan qūbylys ekenın aitty, dep habarlaidy «Adyrna» tılşısı.
2023 jyldyŋ basynan berı joǧary lauazymdy 30 general men admiraldyŋ ışınde tek jeteuı ǧana öz qyzmetınde qalǧan. Qalǧandary qyzmetten bosatylǧan nemese qoǧamdyq keŋıstıkten müldem joǧalyp ketken Būl turaly gazet Qytaidyŋ memlekettık BAQ habarlamalary men resmi mälımdemelerge süiene otyryp jazdy.
Soŋǧy oqiǧalardyŋ bırı retınde Qytaidyŋ Ortalyq äskeri keŋesındegı Si Szinpinnıŋ bırınşı orynbasary Chjan Iýsia men bırıkken ştab bastyǧy general Liu Chjenlige qatysty ıs qozǧalǧanyn aituǧa bolady. Olar resmi türde «tärtıp pen zaŋdy öreskel būzdy» degen küdıkke ılındı.
Ädette jetı müşeden tūratyn Ortalyq äskeri keŋestıŋ qūramy qazırgı uaqytta ıs jüzınde ekı adamǧa — Si Szinpin men general Chjan Şenminge deiın qysqarǧan. Qalǧan müşeler sybailas jemqorlyqqa qarsy nauqan aiasynda qyzmetten alynǧan. Chjan Şenmin äskeri antikorrupsiialyq baqylau organdarynda ūzaq jyl jūmys ıstep, 2025 jyly keŋes töraǧasynyŋ orynbasary bolyp taǧaiyndalǧan. Ol äskerdegı saiasi tärtıp pen adaldyqty baqylauǧa jauap beredı.
Qyzmetten bosatular äskerdıŋ barlyq türlerın qamtyǧan, onyŋ ışınde zymyran küşterı men äskeri-teŋız floty da bar. Chjan Iýsia men Liu Chjenlidıŋ ketuı äskeri keŋestı soǧys daiyndyǧyna jauapty negızgı qolbasşylarsyz qaldyrdy. Endı ırı operasiialardy josparlaumen tömengı därejelı ofiserler ainalysyp jatyr. Basylym mūnyŋ Si Szinpinnıŋ Qytai qaruly küşterınıŋ jauyngerlık qabıletıne degen senımın älsıretıp, äskeri basşylyqta vakuum qalyptastyratynyn atap öttı.
Sonymen bırge The Wall Street Journal jappai otstavkalar Si Szinpinge armiiaǧa tolyq baqylau ornatuǧa mümkındık berıp, Taivanǧa yqtimal basyp kıruge daiyndyqty jedeldetuı mümkın ekenın jazdy. Keibır derekter boiynşa, Si men Chjan Iýsia arasynda mūndai operasiianyŋ merzımıne qatysty kelıspeuşılıkter bolǧan. Qytai basşysy 2027 jylǧa deiın tolyq daiyn boludy talap etse, general 2035 jyldy ataǧan.
Qazırgı jäne būrynǧy amerikalyq şeneunıkterdıŋ aituynşa, tazalaudyŋ naqty sebepterı älı belgısız. The Wall Street Journal deregınşe, Chjan Iýsia AQŞ-qa Qytaidyŋ iadrolyq baǧdarlamasyna qatysty maŋyzdy tehnikalyq mälımetterdı taratyp jıberdı jäne kadrlyq taǧaiyndaular kezınde para aldy degen aiyptarǧa ūşyraǧan. Sonymen qatar ony «saiasi toptar qūruǧa», iaǧni yqpal jelılerın qalyptastyruǧa küdıktendıredı. Pekin mūny partiia bırlıgıne qauıp retınde qarastyrady.
