Mektep aulasynda memlekettık rämızderdı joiuǧa qatysty video äleumettık jelıde tarady, dep habarlaidy "Adyrna" ūlttyq portaly.
Pavlodar qalasynda mektep aulasynda memlekettık tu örtelıp, eltaŋba syndyrylǧan video äleumettık jelılerde tarap, qoǧamda qyzu talqylauǧa sebep boldy.
Oqiǧa 5 aqpanda Maşhür Jüsıp atyndaǧy mektep aulasynda bolǧan. Kadrlarda bır top adamnyŋ şelekte memlekettık tudy örtep, keiın bırneşe adamnyŋ balǧamen eltaŋbany syndyryp jatqanyn köruge bolady.
Qalalyq bılım bölımı būl jaǧdaiǧa tüsınıkteme berıp, atalǧan äreketter vandalizm emes, talapqa sai kelmeitın memlekettık rämızderdı josparly türde utilizasiialau jūmystary bolǧanyn mälımdedı. Jūmys arnaiy komissiia arqyly jürgızılıp, tiıstı aktımen räsımdelgen. Al video tek qyzmettık esep üşın tüsırılgen.
Vedomstvonyŋ mälımetınşe, ıs-şarany ūiymdastyru men ötkızu kezınde baqylaudyŋ jetkılıksız boluyna bailanysty mektep direktoryna qataŋ sögıs jariialanǧan. Qyzmettık videony äleumettık jelıge kım taratqany äzırge anyqtalmaǧan.
Mamandardyŋ aituynşa, ūlttyq standarttarǧa säikes kelmeitın nemese tozǧan memlekettık rämızder arnaiy komissiia şeşımımen joiylady. Olar qaita qoldanuǧa bolmaityndai etıp örteledı, balqytylady nemese ūsaq bölşekterge bölınedı.
Sonymen qatar, rämızderdı zaŋsyz paidalanu äkımşılık jauapkerşılıkke äkeledı. Al olardy qorlau faktılerı boiynşa aiyppūl salu, qoǧamdyq jūmystarǧa tartu nemese ekı jylǧa deiın bas bostandyǧynan aiyru jazasy qarastyrylǧan.
