Tūŋǧyş prezidenttıŋ keŋesşısı – baspasöz hatşysy Aidos Ükıbai 11 aqpanda Sara Nazarbaevanyŋ densaulyǧyna qatysty tüsınıkteme berdı, dep habarlaidy «Adyrna» tılşısı.
«Sara Nazarbaeva 2025 jyldyŋ säuır aiynan bastap Qazaqstan Respublikasy Prezidentı Is basqarmasy Medisinalyq ortalyǧynyŋ Almaty qalasyndaǧy Ūlttyq gospitalınde emdelıp jatty. Sol kezeŋde ol auyr miokard infarktın bastan keşırdı. Därıgerler ūzaq uaqytqa sozylǧan auyr qant diabetı men üdemelı sozylmaly büirek jetkılıksızdıgı aiasynda damyǧan jürektıŋ işemiialyq auruyn, jürek jäne ökpe jetkılıksızdıgın anyqtady»,-dedı ol.
Aituynşa, Sara Alpysqyzy ūzaq uaqyt boiy ökpenı jasandy jeldetu jäne jasandy büirek apparattaryna qosylǧan küide bolǧan.
«Biylǧy jyldyŋ qaŋtar aiynda jaǧdaiynyŋ tūraqtanuyna bailanysty stasionarlyq emdeu kezeŋı aiaqtaldy. Qazırgı uaqytta Sara Alpysqyzy Almaty qalasynda üi jaǧdaiynda därıgerlerdıŋ baqylauynda»,-dep tolyqtyrdy baspasöz hatşysy.
Sara Nazarbaeva 1941 jyly 12 aqpanda tuǧan. Bügın 85 jasqa toldy.
