Qaraǧandy oblysynda investorlar naqty qūqyqtyq qoldau men öz müddelerınıŋ qorǧaluyna senım arta alady. Ötken jyldyŋ soŋynda Memleket basşysynyŋ bastamasymen Bas prokuratura janynan İnvestorlardyŋ qūqyqtaryn qorǧau komitetı qūryldy. Būl — biznespen özara ıs-qimyldyŋ jaŋa formaty, ol mäselelerdı jedel şeşuge jäne äkımşılık kedergılerdı joiuǧa mümkındık beredı.
Är öŋırde oblys prokurorlary investisiialyq prokurorlardyŋ funksiialaryn atqarady. Sonymen qatar investisiialyq jobalardy süiemeldeitın jäne biznes tuyndaǧan mäselelerdı şeşuge järdemdesetın jūmys toptary qūrylǧan. İnvestorlarmen jūmys ısteudıŋ jaŋa qūraldary men qoldaudyŋ naqty tetıkterı biznes ökılderımen ötken kezdesude talqylandy.
— Memleket basşysy investorlardyŋ qūqyqtaryn qorǧaudy joǧary deŋgeige qoiyp otyr. Bızdıŋ mındetımız — oblysty investorlar bır jobamen ǧana emes, ūzaq merzımge keletın mümkındıkter aimaǧyna ainaldyru. Bız öŋırdıŋ biznes üşın senımdı ärı boljamdy aimaq retındegı imidjın nyǧaituǧa jäne jan-jaqty qoldau körsetuge daiynbyz, — dedı oblys äkımı Ermaǧanbet Bölekpaev.
Onyŋ aituynşa, investorlarmen jūmys üş negızgı qaǧidatqa negızdeledı: aşyqtyq, zaŋdylyq jäne ärıptestık. Ärbır investor qaida jügınu kerektıgın, kömektı qaidan alatynyn jäne mäselesınıŋ qanşalyqty jedel şeşıletının naqty bıluı tiıs — artyq tosqauyldar men biurokratiialyq kıdırıstersız.
Būl qaǧidattardyŋ saqtaluyna prokuratura kepıl bolady. Öŋırde investisiialyq jobalardy barlyq kezeŋde süiemeldep, olardyŋ ıs jüzınde jüzege asyryluyna yqpal etetın jūmys toby jūmys ısteidı.
— Ortaq maqsatymyz — tūraqty ärı qolaily investisiialyq ahual qalyptastyru. İnvestor zaŋ men memleketke sengen jaǧdaida ǧana būl mümkın bolady. Prokuratura bizneske barlyq mäseleler boiynşa qoldau körsetuge äzır, — dep atap öttı oblys prokurory Bauyrjan Myrzakerov.
Oblysta «prokurorlyq süzgı» tetıgı engızılgen. Ol investorlarǧa qatysty memlekettık organdardyŋ şeşımderın prokurormen mındettı türde kelısudı közdeidı. Osy jüienıŋ nätijesınde negızsız 23 tekseru kerı qaitarylyp, 88 jaǧdaida investorlardy äkımşılık jauapkerşılıkke tartuǧa jol berılmedı, sondai-aq jobalardy süiemeldeu barysynda 65 problemalyq mäsele şeşımın tapty.
«SILK ROAD ELECTRONIC» JŞS direktory Aleksandr Kriskii qadaǧalau organymen özara ıs-qimyldyŋ joǧary tiımdılıgın atap öttı.
— Bızdıŋ täjıribemızde prokuratura tuyndaǧan jaǧdaiǧa jedel äreket etıp, zaŋdylyqtyŋ saqtaluyn qalpyna keltıruge yqpal etken tabysty keis bar. Prinsipşıl ärı syndarly ūstanymnyŋ nätijesınde mäsele qūqyqtyq alaŋda jäne qysqa merzım ışınde şeşımın tapty. Mūndai özara ıs-qimyl formaty käsıpkerlerge äkımşılık kedergılerge alaŋdamai, öndırıstı damytuǧa jäne jaŋa jūmys oryndaryn qūruǧa nazar audaruǧa mümkındık beredı, — dep atap öttı Aleksandr Kriskii.
Öŋırde «bır tereze» qaǧidaty men investisiialyq ştab jūmys ısteidı. Jaŋa investisiialyq strategiia qabyldanyp, oǧan säikes qalalar men audandardyŋ äkımderı investisiialyq jobalardyŋ ıske asyryluyna jeke jauapty bolyp belgılendı.
