Qazaqstandyq mänerlep syrǧanauşy özıne qatysty aqparatqa jauap berdı, dep habarlaidy “Adyrna” ūlttyq portaly Stan.kz-ke sıltep.
Sportşy Mihail Şaidorovty qysqy Olimpiada oiyndarynda altyn medal jeŋıp alǧannan keiın “şyǧu tegı – reseilık” degen mälımet tarady.
2024 jyldyŋ soŋynda Gran-pri kezeŋındegı sättı önerınen keiın keibır şeteldık basylymdar sportşyny reseilık dep ataǧan. Sondai-aq Milanda ötken Olimpiadada altyn medal ielengennen keiın de osyndai mälımetter taraǧan.
Ötken jyldyŋ qaŋtar aiynda Sport+ arnasyndaǧy “Tıkelei äŋgıme” baǧdarlamasynda Şaidorov būl pıkırlerdı özıne jasalǧan qūrmetsızdık dep baǧalady.
“Men Almatyda düniege keldım. Sol jerde östım jäne qazır de tūryp jatyrmyn. Uaqytymnyŋ köp bölıgın Qazaqstanda ötkızemın. Maǧan jetekşılık etıp jürgen bapkerım Aleksei Urmanovpen jūmys ısteu – ülken mümkındık. Bıraq mänerlep syrǧanaudy Almatydaǧy “Ramstor” sauda ortalyǧynyŋ mūz aidynynda bastadym. Būl – Qazaqstandaǧy alǧaşqy mūz aidyndarynyŋ bırı. Sol jerde köptegen sportşy, sonyŋ ışınde Denis Ten de jattyqqan. Reseide oqu-jattyǧu jiyndaryna qatysqanym ras, alaida menı reseilık sportşy dep atau – dūrys emes”, - dedı ol.
