Naqylmen emes naqty sifrmen, sanmen,
Dolbarmen emes däl erejemen, zaŋmen söileitın Almaty oblysynyŋ äkımı bügın erdıŋ jasy eluge toldy.
Marat Sūltanǧazievtıŋ būl qyzmette otyrǧanyna biyl mausym aiynda tört jyl tolady. Osy aralyqta Almaty oblysynyŋ äl-auqaty äjeptäuır jaqsarǧan.
Mäselen, 2021 jyly oblystyŋ salyq tüsımderı 317 mlrd teŋge bolsa, byltyr ol 628 mlrd teŋgenı qūraǧan. Ekı ese ösım.
2022-2025 jyldar aralyǧynda oblysqa 3,7 trln teŋge investisiia tartylypty. Biyl jalpy qūny 620 mlrd teŋge bolatyn 37 investisiialyq jobany jüzege asyru josparlanǧan.
Bır ǧana mysal, endı futbol körgende Narynqoldyŋ kartobynan jasalǧan Lays qytyrlaq chipsylaryn jep otyrasyz. Şöl basamyn deseŋız däl özımızdıŋ oblysta öndırılgen susyndardan ūrttap otyruǧa bolady. Sebebı, Almaty oblysy azyq-tülık, temekı jäne susyn öndırısı boiynşa elımızde bırınşı orynda tūr.
Taŋdai jıbıtetın Maksi chaidan bastap mūryn qyşyǧanda ızdeitın alkogoldı ışımdıkterdıŋ bärı şyǧarylady.
Tıze bersem tym köp. Synyqtan basqanyŋ bärı jūǧady demekşı, men de äkımdıkke jūmysqa kelgelı sifrmen söileitın bolap baramyn. Osyndai jatyq, tüsınıktı tılmen jazylǧan aqparattar qyzyq deseŋızder aldaǧy uaqytta da salyp tūraiyn. Al, Marat Eleusızūlyna, tolaǧai tabys, sarqylmas küş-qairat tıleimın!
Ūqsas jaŋalyqtar
