1989 jyly 28 aqpanda antiiadrolyq «Nevada-Semei» qozǧalysy qūryldy. Äuelde Semei poligonynda taraǧan gazǧa qarsy ündegen qozǧalys keiın halyqaralyq sipat aldy. Qazaqstan iadrolyq qarudan öz erkımen bas tartqan soŋ qozǧalys äreketı de saiabyrsydy. Bıraq qozǧalys Semei poligony jabylar aldyndaǧy qarymdy qadam boldy.
Qozǧalystyŋ maqsaty – halyqty iadrolyq synaqtardyŋ zardaby turaly habardar etu, Semei poligonyn jabu jäne synaqtan zardap şekkenderge kömek körsetu boldy.
Qozǧalysqa kärı-jas demei, halyq bır kısıdei jūmylyp, belsendı türde qatysty. Qaraǧandynyŋ 130 myŋ şahterı merzımı şekteusız ereuılge şyǧatyndaryn mälımdedı. Olardy Semei, Pavlodar, Öskemen, Jezqazǧan jūmysşylary jäne Joǧarǧy Keŋes qoldady.
«Nevada-Semei» qozǧalysynyŋ arqasynda 1991 jyly tūŋǧyş prezident Nūrsūltan Nazarbaevtyŋ Jarlyǧymen Semei poligony tolyq jabyldy.
Al 29 tamyz halyqaralyq iadrolyq qaruǧa qarsy küres künı bolyp bekıtıldı. Qazaqstan iadrolyq qarudan tolyq bas tartyp, älemdık qoǧamdastyqta beibıtşılık süigış el retınde tanyldy.
