Bügın – Qazaqstannyŋ bırınşı jäne soŋǧy vise-prezidentı Erık Asanbaevtyŋ tuǧanyna 90 jyl.
Qostanai oblysynyŋ tumasy Erık Maǧzūmūly Asanbaev 1936 jyly 10 nauryzda düniege kelgen. Ol Qazaqstannyŋ memleket qairatkerı, diplomat jäne ekonomika ǧylymdarynyŋ doktory retınde elımızdıŋ damuyna eleulı üles qosqan tūlǧa.
1959–1967 jyldary Erık Asanbaev QazŪU men Mäskeu qarjy institutynda, Qazaq KSR Memleket josparlau komitetınıŋ ǧylymi-zertteu institutynda, sondai-aq Qazaq KSR Qarjy ministrlıgı jüiesınde eŋbek ettı.
Täuelsızdıktıŋ alǧaşqy jyldarynda, 1991 jyldan bastap, ol Qazaqstannyŋ vise-prezidentı bolyp taǧaiyndaldy. 1994–1996 jyldary QR Prezidentı janyndaǧy adam qūqyqtary jönındegı komissiianyŋ töraǧasy qyzmetın atqardy. 1996 jyly qyzmettık ökılettıgı toqtatylyp, aqpannan bastap 2000 jylǧa deiın Germaniiadaǧy Qazaqstannyŋ Tötenşe jäne ökılettı elşısı boldy. Elşılık kezınde Berlinde Abaiǧa köşe atyn beruge atsalysqan.
Memlekettık qyzmetten tys qalǧannan keiın Erık Asanbaev turaly saiasatkerler de pıkır bıldırıp, öz estelıkterımen bölısken. Mysaly, Serıkbolsyn Äbdıldin «Azattyqqa» bergen sūhbatynda:
«Nazarbaevqa qolynan ıs keletın adamdar keregı joq. Al vise-prezident Asanbaev öz pıkırın aituǧa batyly bar adam edı. Mūndai adamǧa qūlaq aspaityn bolsa, qauıp tuǧyzuy mümkın, sondyqtan ony şetelge jıberdı» – degen.
Erık Asanbaev «Otan» ordenımen marapattalǧan. Ol 68 jasynda, 2004 jyldyŋ 23 tamyzynda ömırden ozdy.
