Konstitusiialyq Sot erlı-zaiyptylardyŋ bank qūpiiasyna qol jetkızu mäselesın qaraidy. Is būrynǧy küieuınıŋ jinaqtary turaly aqparatty ala almaǧan azamatşa aryzy negızınde qozǧalǧan, dep habarlaidy «Adyrna» tılşısı.
Ötınış negızınde Konstitusiialyq Sot «Qazaqstan Respublikasyndaǧy bankter jäne bank qyzmetı turaly» zaŋynyŋ 50-baby 4-tarmaǧynyŋ Qazaqstan Respublikasynyŋ Konstitusiiasyna säikestıgın teksermek. Atalǧan normaǧa säikes, bank qūpiiasyn qūraityn mälımetter tek klienttıŋ özıne nemese şot (mülık) iesınıŋ kelısımımen üşınşı tūlǧaǧa ǧana aşyluy mümkın.
Azamatşa körsetılgen ereje ıs jüzınde erlı-zaiyptylardyŋ bırınıŋ ortaq jinaqtar turaly aqparat alu mümkındıgın şekteitının, erlı-zaiyptylardyŋ ortaq mülkındegı üleske qūqyqty ıske asyruǧa kedergı keltıretının aitqan.
Ötınışte körsetılgendei, nekenı būzǧannan keiın ortaq mülıktı bölu turaly talap-aryz daiyndau barysynda ötınış beruşı būrynǧy jūbaiynyŋ neke kezeŋınde jinaqtaǧan qarjylyq qarajaty turaly mälımetterdı ala almaǧan. Osyǧan bailanysty ol ekınşı deŋgeidegı bankterge qatysty tiıstı aqparatty ūsynu mındetın jükteu turaly talap-aryzben sotqa jügıngen. Alaida sot talaptardy qanaǧattandyrudan bas tartqan.
Otyrysqa ötınış iesı men onyŋ zaŋ konsultanty, Parlament Palatalarynyŋ, Bas prokuraturanyŋ, Ūlttyq Banktıŋ, Qarjy naryǧyn retteu jäne damytu agenttıgınıŋ, Ädılet ministrlıgınıŋ, Zaŋnama jäne qūqyqtyq aqparat institutynyŋ, sondai-aq Parlamentarizm institutynyŋ ökılderı qatysqan.
«Konstitusiialyq Sottyŋ qorytyndy şeşımı Konstitusiialyq zaŋnyŋ 65-babyna säikes KS resmi saitynda sılteme boiynşa, «Egemen Qazaqstan» jäne «Kazahstanskaia pravda» gazetterınde jariialanatyn bolady»,–delıngen habarlamada.
