İran bilıgı Ündıstanmen ötken kelıssözder barysynda Ormuz būǧazy arqyly kemelerdıŋ qauıpsız ötuıne qatysty bırqatar talap qoidy. Būl turaly derekközderge sılteme jasap Reuters agenttıgı jariialady, dep habarlaidy "Adyrna".
Aqparatqa säikes, irandyq kelıssöz jürgızuşıler Ündıstannan aqpan aiynda ūstalǧan üş tankerdı qaitarudy talap etken. Tegeran būl talap oryndalǧan jaǧdaida ǧana kemelerdıŋ Ormuz būǧazy arqyly qauıpsız ötuın qamtamasyz etuge daiyn ekenın mälımdegen.
Kelıssözder barysynda İran taǧy bır şart ūsynǧan. Atap aitqanda, elge keibır därı-därmek pen medisinalyq jabdyqtardy jetkızu mäselesı köterılgen. İran tarapynyŋ aituynşa, būl önımder elge qazırgı kürdelı jaǧdaiǧa bailanysty asa qajet.
Jergılıktı şeneunıkterdıŋ mälımetınşe, medisinalyq jabdyqtarǧa degen sūranys İrannyŋ AQŞ jäne İzrailmen jalǧasyp jatqan qaqtyǧysy aiasynda küşeigen. Osyǧan bailanysty Tegeran kelıssözder barysynda gumanitarlyq sipattaǧy jetkızılımderdı de basty talaptardyŋ bırı retınde kötergen.
