«NURORDA» mektep-liseiınıŋ oquşysy Nūrgül Egenbergenova älemdık bılım beru reitingınde köş bastap tūrǧan eŋ bedeldı oqu orny - Massachusets tehnologiialyq institutyna (MIT, AQŞ) oquǧa qabyldandy. Būl - qazaqstandyq jas ziiatkerdıŋ halyqaralyq arenadaǧy bäsekege qabılettılıgın däleldeitın aituly oqiǧa.
MIT universitetıne tüsu - älemdık deŋgeidegı eŋ qiyn synaqtardyŋ bırı bolyp sanalady. Mäselen, biylǧy oqu jylynda 29 myŋnan astam ümıtkerdıŋ ışınen tek 4-5%-y ǧana şaqyrtu alǧan. Al şeteldık studentter üşın ırıkteu būdan da qataŋ bolyp, qabyldanu deŋgeiı nebärı 2%-dy qūrady.
Nūrgüldıŋ erekşe akademiialyq jetıstıkterı men intellektualdyq äleuetın tek MIT ǧana emes, sonymen qatar älemnıŋ top-100 tızımıne kıretın taǧy 5 jetekşı universitetı moiyndap, şaqyrtu jıbergen. Olardyŋ qatarynda:
University of British Columbia (UBC, Kanada) - №38;
Hong Kong University of Science and Technology (HKUST, Gonkong) - №44;
École Polytechnique (Fransiia) - №46;
Korea Advanced Institute of Science and Technology (KAIST, Oŋtüstık Koreia) - №53;
University of Warwick (Ūlybritaniia) - №74.
Aita keteiık, Nūrgül Egenbergenova būǧan deiın de bılım men ǧylym salasyndaǧy eren eŋbegı üşın memleket deŋgeiınde joǧary baǧalanǧan bolatyn. Ol Qazaqstan Respublikasynyŋ Prezidentı Qasym-Jomart Toqaevtyŋ jeke qabyldauynda bolyp, Memleket basşysynyŋ qolynan arnaiy syiaqy sertifikatyn ielengen.
Bügınde otandyq bılım beru jüiesınıŋ tülekterı älemdık alpauyt oqu oryndarynyŋ nazaryna ılıgıp, halyqaralyq deŋgeidegı ǧylymi ortaǧa nyq qadam basuda. «NURORDA» mektep-liseiınıŋ oquşysy alǧan būl şaqyrtular toptamasy - sonyŋ aiqyn dälelı.
