Memleket basşysy Qasym-Jomart Toqaev elımızde älemnıŋ jetekşı joǧary oqu oryndarynyŋ filialdaryn aşu bastamasy üş jyl būryn köterılgenın eske saldy, dep habarlaidy "Adyrna" ūlttyq portaly.
Būl turaly Aqordanyŋ baspasöz qyzmetı habarlady.
Prezident Almaty qalasyna jūmys sapary aiasynda äl-Farabi atyndaǧy Qazaq ūlttyq universitetınıŋ ǧylymi äleuetımen tanysty. Memleket basşysynyŋ aituynşa, şeteldık universitetterdıŋ ärbır filialy Qazaqstandaǧy joǧary bılım beru sapasyn arttyryp, bäsekelestıktı küşeituı tiıs.
"Būl bastama, eŋ aldymen, jastarǧa öz elınde sapaly bılım aluǧa mümkındık beredı. Sonymen qatar, halyqaralyq bılım beru baǧdarlamalary men ozyq standarttardy engızuge jol aşady, — dedı Memleket basşysy.
Qazırgı taŋda Qazaqstanda 30-dan astam şeteldık joǧary oqu ornynyŋ filialy jūmys ısteidı. Olardyŋ qatarynda Mäskeu injenerlık fizika instituty, Arizona universitetı, Sorbonna universitetı, Kardiff universitetı, De Montfort universitetı jäne Beijıŋ tıl jäne mädeniet universitetı bar.
Alaida Prezident būl jūmystyŋ tek san quumen şektelmeuı kerektıgın atap öttı.
"Bızge esep üşın aşylǧan, ūlttyq ǧylymdy damytuǧa qauqarsyz filialdardyŋ qajetı joq. Negızgı nazar sapada boluy tiıs", — dedı ol.
Memleket basşysy eldıŋ bolaşaǧy bılım men ǧylymnyŋ damuyna tıkelei bailanysty ekenın atap öttı.
"Bız adam kapitalynyŋ sapasyn arttyru üşın qoldan kelgennıŋ bärın jasauymyz qajet. Elımızdıŋ ǧylymi jäne akademiialyq qauymdastyǧynyŋ barlyq ökılıne qarata aitqym keledı. Qazaqstannyŋ erteŋı qandai bolady, qanşalyqty jaŋaşyl ärı ozyq elge ainala alamyz? Būl sızderdıŋ ideialaryŋyzǧa, zertteulerıŋızge, jūmystaryŋyzdyŋ nätijesıne, aşqan jaŋalyqtaryŋyzǧa tıkelei bailanysty. Barşamyz küş jūmyldyra otyryp, Qazaqstandy Euraziiadaǧy jetekşı ǧylymi jäne tehnologiialyq ortalyqqa ainaldyra alatynymyzǧa senemın.", — dedı Prezident.
Ol sondai-aq keleşek ūrpaq bügıngı mümkındıkterdı tiımdı paidalanbaǧan jaǧdaida ony keşırmeitının aityp, Qazaqstandy ädılettı ärı quatty memleketke ainaldyru – ortaq mındet ekenın jetkızdı.
"Keler ūrpaq bızdıŋ keibır kemşılıkterımızge köz jūma qaraityn şyǧar. Bıraq olar Qazaqstandy Ädılettı, Quatty memleketke ainaldyratyn, zaŋ men tärtıp, tazalyq, tabiǧatty aialau, bılım jäne ǧylym saltanat qūratyn mümkındıktı mült jıbergenımızdı eşqaşan keşırmeidı. Qazaqstan osyndai el boluy kerek. Bızdıŋ tüpkı maqsatymyz – osy", - dedı Memleket basşysy.
