İrannyŋ būqaralyq aqparat qūraldary İrannyŋ Joǧarǧy köşbasşysy Modjtaba Hameneidıŋ Nauryz merekesıne orai joldaǧan ündeuın jariialady. Ol öz joldauynda eldıŋ qazırgı jaǧdaiyna toqtalyp, soŋǧy kezeŋdegı oqiǧalardy «üş soǧys» dep sipattady, dep habarlaidy “Adyrna”.
Hamenei 2025 jyldyŋ mausym aiyndaǧy 12 kündık soǧysty, biylǧy qaŋtardaǧy ışkı narazylyqtardy, sondai-aq qazırgı uaqytta AQŞ pen İzrail jürgızıp jatqan operasiialardy atap öttı.
Sonymen qatar Hamenei Taiau Şyǧystaǧy jaǧdaidyŋ şielenısıne toqtalyp, keibır körşıles elderge jasalǧan şabuyldarǧa qatysty pıkır bıldırdı.
«Türkiia men Omanǧa jasalǧan şabuyldardy İrannyŋ qaruly küşterı de, odaqtas küşterı de jasaǧan joq», – dep atap öttı.
Ol būl oqiǧalardy «sionistık taraptyŋ arandatu äreketı» dep sipattady, iaǧni mūndai şabuyldar ekı el arasynda tüsınıspeuşılık pen şielenıs tudyru üşın ädeiı jasaluy mümkın ekenın aitty.
Joǧarǧy köşbasşynyŋ pıkırınşe, mūndai äreketterdıŋ maqsaty — İran men körşıles elder arasynda alauyzdyq tuǧyzu. Ol mūndai qauıp basqa memleketterde de qaitalanuy mümkın ekenın eskerttı.
Sonymen bırge Hamenei mūsylman älemındegı bırlıktı nyǧaitu qajettıgın atap ötıp, Päkıstan men Auǧanstandy «mūsylman qauymynyŋ bölınuıne jol bermeu üşın» tatulasuǧa şaqyrdy. Ol būl baǧytta qajettı qadamdarǧa baruǧa daiyn ekenın de jetkızdı.
Jalpy alǧanda, Joǧarǧy köşbasşynyŋ būl ündeuı İrannyŋ ışkı tūraqtylyǧy men aimaqtyq qauıpsızdıkke qatysty ūstanymyn körsetıp, Taiau Şyǧystaǧy geosaiasi jaǧdaidyŋ kürdelılıgın taǧy bır märte aiqyndady.
İran men Auǧanstanda Nauryz jaŋa jyly astronomiialyq köktemmen bırge bastalady. Nauryzdyŋ bastaluy är jyly 19-22 nauryz arasyna säikes kelıp tūrady.
