Sian qalasynda QR Bas konsuldyǧynyŋ qoldauymen Ūlytau oblysy men Şensi provinsiiasy arasyndaǧy sauda-ekonomikalyq yntymaqtastyq forumy öttı.
Joǧary deŋgeidegı kelıssözder jürgızu, özaratüsınıstık turaly memorandumdarǧa qol qoiu jäne ekı jaqtyŋ strategiialyq serıktestıgın nyǧaituǧa baǧyttalǧan.
Is-şaraǧa Ūlytau oblysynyŋ äkımı, memlekettık organdar ökılderınen qūralǧan Ūlytau oblysynyŋ delegasiiasy, sondai-aq qytailyq jäne qazaqstandyq kompaniialardan 100-ge juyq ökıl qatysty.
Forum aiasynda Ūlytau oblysynyŋ investisiialyq äleuetı, yntymaqtastyqtyŋ negızgı baǧyttary jäne öŋırdıŋ perspektivaly investisiialyq jobalary tanystyryldy.
Önerkäsıptı, tūrǧyn üi-kommunaldyq infraqūrylymdy jäne agroönerkäsıptık keşendı damytuǧa erekşe nazar audaryldy.
Sondai-aq, G2B jäne B2B formattarynda kezdesuler öttı.
Forum qorytyndysy boiynşa jalpy qūny 12.5 milliard teŋgenı qūraityn yntymaqtastyq turaly 6 memorandumǧa qol qoiyldy.
Qūjat kelesı baǧyttar boiynşa bırlesken jobalardy ıske asyrudy közdeidı:
- Jezqazǧan, Sätbaev jäne Qarajal qalalaryndaǧy tūrǧyn üilerdı qaita jaŋǧyrtu;
- metallurgiialyq şlaktardy qaita öŋdeu;
- süt-tauar fermasyn salu.
Ūlytau oblysynyŋ äkımı öŋırdıŋ joǧary investisiialyq äleuetın jäne halyqaralyq yntymaqtastyqqa aşyqtyǧyn atap öttı:
«Bız investorlar üşın qolaily jaǧdai jasauǧa daiynbyz. Bügınnıŋ özınde bırqatar kompaniia Ūlytau oblysy aumaǧynda investisiialyq jobalardy ıske asyruǧa daiyn» — dedı öŋır basşysy.
