Jetısu oblysynda tärtıp saqşylary ülkenderdıŋ qarauynsyz köşede jalǧyz jürgen büldırşındı qūtqaryp qaldy. Ekı jasar bala üiınen baiqatpai şyǧyp ketıp, kölık qozǧalysy köp joldyŋ jiegıne jetken, dep habarlaidy "Adyrna".
Oqiǧa Jetısu oblysyndaǧy kezektı tekserıs kezınde bolǧan. «Bürkıt 161» ekipajynyŋ qyzmetkerlerı jol jiegınde jalǧyz tūrǧan kışkentai balany baiqap, bırden kölıktı toqtatty. Tärtıp saqşylary balany qoldaryna alyp, janynda eresekterdıŋ bar-joǧyn tekserdı. Ol kezde «102» pultıne bala joǧalǧany turaly eşqandai habarlama tüspegen eken.
Keiınırek belgılı bolǧandai, büldırşın üi ışındegılerge bıldırmei dalaǧa şyǧyp ketken. Ata-anasy balanyŋ joqtyǧyn bırneşe minuttan keiın ǧana baiqap, dereu ızdeuge kırısken.
«Būl oqiǧa bala qauıpsızdıgıne beijai qaramaudyŋ maŋyzdylyǧyn taǧy bır märte eske salady. Ata-analarǧa qyraǧylyqty joǧaltpau qajet. Al poliseiler üşın būl kündelıktı qyzmettıŋ bır bölıgı. Keide jai ǧana zeiın qoiudyŋ özı ülken apattyŋ aldyn aluǧa kömektesedı», — dep atap öttı polisiia qyzmetkerlerı.
