Sadyr Japarov Qyrǧyzstan azamattyǧyn qabyldau, odan şyǧu jäne azamattyqtan aiyru turaly jarlyqqa qol qoidy. Būl turaly respublika basşysynyŋ baspasöz qyzmetı mälımdedı, dep habarlaidy “Adyrna”.
Berılgen mälımetterge säikes, 127 adam (onyŋ ışınde 7 bala) azamattyqtan şyqqan, al 484 adam (onyŋ ışınde 24 bala) azamattyǧyn joǧaltqan. Sonymen qatar, 893 adam (137-sı balalar) Qyrǧyzstan azamattyǧyn alǧan.
Azamattyq alǧandardyŋ basym bölıgın tarihi otanyna oralǧan etnikalyq qyrǧyzdar, sondai-aq azamattyǧyn qaita qalpyna keltırıp jatqan tūlǧalar qūraidy. Būǧan qosa, «Belarus Respublikasy, Qazaqstan Respublikasy, Qyrǧyz Respublikasy jäne Resei Federasiiasy arasyndaǧy azamattyqty jeŋıldetılgen tärtıppen alu turaly kelısımdı ratifikasiialau turaly» zaŋ aiasynda da azamattyq alǧandar bar.
Sonymen bırge, Qyrǧyzstan Syrtqy ıster ministrlıgı şetel azamattarynyŋ el aumaǧynda bolu tärtıbı turaly erejege özgerıster engızılgenın habarlady. Atap aitqanda, etnikalyq qyrǧyzdar men olardyŋ otbasy müşelerınıŋ qūqyqtyq märtebesın retteitın arnaiy norma engızıldı. Osyǧan säikes, uaqtyly rūqsat qūjattaryn räsımdemegen adamdarǧa Qyrǧyzstan aumaǧyna bır rettık kıruge jäne 30 jūmys künı ışınde özderınıŋ qūqyqtyq märtebesın zaŋdastyruǧa mümkındık berıledı.
Būǧan deiın, 2025 jyly Qyrǧyzstan azamattary dep tanyluy mümkın tūlǧalar şeŋberın keŋeitetın, sondai-aq azamattyqtan aiyru negızderınıŋ tızımın tolyqtyratyn tüzetuler qabyldanǧan bolatyn.
