AQŞ-tyŋ Florida ştat gubernatory Ron Desantis Palm-Bichtegı halyqaralyq äuejaidy Donald Tramp qūrmetıne qaita atau turaly jarlyqqa qol qoidy, dep habarlaidy "Adyrna" ūlttyq portaly.
Endı äuejaiǧa «Donald Dj. Tramp atyndaǧy halyqaralyq äuejai» atauyn beru josparlanyp otyr.
Alaida būl özgerıs küşıne enuı üşın AQŞ-tyŋ Federaldyq azamattyq aviasiia basqarmasynyŋ maqūldauy qajet. Eger rūqsat berılse, jaŋa atau 1 şıldeden bastap resmi türde qoldanysqa engızıledı.
Atalǧan äuejai Palm-Bich qalasynda ornalasqan jäne Tramptyŋ Mar-a-Lago golf klubynan şamamen 6,5 şaqyrym jerde.
Floridadaǧy respublikalyq partiia būl şeşımdı ıs jüzınde qabyldandy dep sanap otyr. Olar äleumettık jelıde: «Florida resmi türde jariialaidy! Palm-Bichtıŋ däl ortasynda ornalasqan jaŋa Prezident Donald Dj. Tramp atyndaǧy halyqaralyq äuejaiǧa qoş keldıŋızder!» dep jazdy.
WFLX-TV telearnasynyŋ mälımetınşe, ataudy özgertu salyq töleuşılerge şamamen 5,5 million dollar şyǧyn äkeluı mümkın. Osyǧan bailanysty ştattaǧy demokrattar zaŋ jobasyna qarsy şyqqan.
The Hill jazuynşa, Tramp prezidenttık qyzmetıne qaita oralǧannan berı onyŋ esımı bırqatar nysandar men baǧdarlamalarǧa berılgen. Olardyŋ qatarynda Kennedi ortalyǧy, AQŞ Beibıtşılık instituty, TrumpRx därı-därmek platformasy jäne balalarǧa arnalǧan investisiialyq «Tramp şottary» bar.
