«Sūŋqar» («Soiuz-5») zymyran-tasyǧyşy alǧaşqy synaqtyq ūşyrylymǧa daiyndyq maqsatynda Baiqoŋyr ǧaryş ailaǧynyŋ ūşyru keşenıne bırınşı ret şyǧaryldy, dep habarlaidy «Adyrna» tılşısı QazTAG-qa sılteme jasap.
«Sūŋqar» zymyrany 31 nauryz künı ǧaryş ailaǧynyŋ temırjol jelısı arqyly 42-alaŋdaǧy qūrastyru-synaq korpusynan şyǧarylyp, 45-alaŋdaǧy ūşyru qūrylǧysyna tık küide ornatyldy. Aldaǧy bırneşe kün ışınde ǧaryş ailaǧynyŋ mamandary ūşyru keşenı men zymyran-tasyǧyştyŋ jüielerıne soŋǧy tekserıs jūmystaryn jürgızedı», – dedı derekköz.
«Sūŋqar» zymyran-tasyǧyşyn paidaly jükteme maketımen synaq üşın ūşyru 3 säuır künı Astana uaqytymen saǧat 16:00-ge josparlanǧan.
Zymyran ūşatyn "Bäiterek" ǧaryştyq zymyran keşenı – Qazaqstan men Reseidıŋ bırlesken jobasy. Baiqoŋyrdaǧy №45 ūşyru alaŋy negızınde jasaqtalǧan joba ekologiialyq taza otynmen jūmys ısteitın zymyrandardy ūşyruǧa arnalǧan infraqūrylym qūru maqsatyn közdeitını aitylady. Joba 2004 jyly bastalyp, 2005 jyly sol kezdegı prezidentter Nūrsūltan Nazarbaev pen Vladimir Putinnıŋ qatysuymen resmi türde ıske qosylǧan bolatyn.
Būǧan deiın «Sūŋqar» zymyran-tasyǧyşyn Baiqoŋyrdan ūşyruǧa daiyndyq bastalǧanyn jazǧan edık. Keiınnen ony ūşyru törtınşı märte keiınge şegerılgenı anyqtaldy.
Zymyran ūşatyn "Bäiterek" ǧaryştyq zymyran keşenı – Qazaqstan men Reseidıŋ bırlesken jobasy. Baiqoŋyrdaǧy №45 ūşyru alaŋy negızınde jasaqtalǧan joba ekologiialyq taza otynmen jūmys ısteitın zymyrandardy ūşyruǧa arnalǧan infraqūrylym qūru maqsatyn közdeitını aitylady. Joba 2004 jyly bastalyp, 2005 jyly sol kezdegı prezidentter Nūrsūltan Nazarbaev pen Vladimir Putinnıŋ qatysuymen resmi türde ıske qosylǧan bolatyn.
Aita ketu kerek, Reseide — «Soiuz-5», Qazaqstanda «Sūŋqar» atalatyn būl alyp qūral — orta klasty, ekı satyly zymyran. Ol ekologiialyq qauıpsız otyn — naftil men sūiyq ottegın paidalanady. Joba sättı jüzege asqan jaǧdaida, Qazaqstannyŋ ǧaryş salasyndaǧy äleuetın arttyryp, halyqaralyq ūşyru naryǧyndaǧy ornyn küşeituge mümkındık beredı dep habarlanǧan.
Būǧan deiın reseilık BAQ-tyŋ zymyran atauyna qatysty pıkır jariialaǧan edık. Al byltyr Baiqoŋyrdaǧy Gagarin start alaŋynyŋ ornynan köne örkeniet oşaǧy tabylǧany habarlanǧan bolatyn.
