İran bilıgı AQŞ prezidentı Donald Tramp jariialaǧan ultimatumǧa qataŋ jauap qaitardy. Būl turaly irandyq joǧary lauazymdy tūlǧalar mälımdedı, dep habarlaidy “Adyrna”.
4 säuırde Donald Tramp İranǧa qoiylǧan talaptardy oryndau üşın berılgen uaqyttyŋ aiaqtaluyna 48 saǧat qalǧanyn eske saldy. Onyŋ aituynşa, eger Tegeran ūsynylǧan şarttarǧa kelıspese, onda AQŞ tarapynan joiqyn äskeri äreketter boluy mümkın. Aq üi basşysy Truth Social jelısınde İranǧa kelısım jasau nemese Ormuz būǧazyn aşu üşın būryn on kün uaqyt berılgenın atap öttı.
Alaida Tegeran būl talaptardy qabyldamai, Vaşingtonǧa qarsy qataŋ mälımdeme jasady. İran parlamentınıŋ ūlttyq qauıpsızdık jäne syrtqy saiasat komitetınıŋ töraǧasy Ebrahim Azizi äleumettık jelıde AQŞ basşysyna qataŋ eskertu jariialady.
"İran senı de, sarbazdaryŋdy da tozaqtyŋ tübıne jıberedı. Senderge laiyq oryn sol", - dep jazdy X äleumettık jelısınde İran parlamentınıŋ ūlttyq qauıpsızdık jäne syrtqy saiasat komitetınıŋ töraǧasy Ebrahim Azizi.
Sonymen qatar, İrannyŋ joǧary äskeri basşylyǧynyŋ ökılı general Äli Abdollahi Aliabadi Donald Trampty «agressiv ärı soǧysqūmar» dep sipattap, AQŞ tarapynan qandai da bır şabuyl jasalǧan jaǧdaida jauap qatal bolatynyn jetkızdı. Onyŋ sözınşe, mūndai jaǧdaida amerikalyqtar üşın «tozaq qaqpasy aşylady».
Aita keteiık, būǧan deiın de, 22 nauryzǧa qaraǧan tünı Donald Tramp İranǧa 48 saǧattyq ultimatum jariialaǧan bolatyn. Ol kezde de negızgı talaptardyŋ bırı – Ormuz būǧazy arqyly qozǧalysqa qoiylǧan şekteulerdı alyp tastau edı. Talap oryndalmaǧan jaǧdaida İrannyŋ energetikalyq infraqūrylymyna soqqy beru mümkındıgı aitylǧan.
Keiınırek AQŞ tarapy kelıssözder barysyna bailanysty būl merzımdı bırneşe ret keiınge şegergen. Qazırgı taŋda taraptar arasyndaǧy şielenıs älı de joǧary deŋgeide qalyp otyr.
