Oqu-aǧartu ministrı Jūldyz Süleimenova pedagogterdı attestasiialau töŋıregındegı köp jyldyq daularǧa nükte qoiatyn şeşım turaly aitty, dep habarlaidy «Adyrna» tılşısı.
Ol prezident Qasym-Jomart Toqaevtyŋ tapsyrmasy boiynşa mūǧalımderdıŋ pändık bılımın tekseru tolyqtai toqtatylǧanyn jetkızdı.
«Menıŋ oiymşa, memleket basşysy sızderge zor senım artyp, ülken janaşyrlyq tanytuda. Barşaŋyzdy qūttyqtaimyn. Osy şeşım turaly resmi hat bılım basqarmalaryna joldandy», – dedı ministr Instagram jelısındegı resmi paraqşasynda.
Aituynşa, būl qadam mūǧalımderdıŋ käsıbilıgın moiyndaudy jäne olardy artyq küizelıs pen biurokratiialyq qysymnan aryltuǧa degen memlekettıŋ ūmtylysyn körsetedı.
Pändık bılımdı baǧalau räsımı bastapqyda oqytu sapasyn baqylau üşın engızılgen bolatyn. Keiınnen ol ūstazdardyŋ synyna ūşyrady. El boiynşa mūǧalımder jyl saiynǧy testıler psihologiialyq qysym tuǧyzatynyn jäne pedagogterdıŋ oquşylarmen jūmys ısteuge jūmsaityn uaqytyn alatynyn bırneşe ret aitqan.
Būǧan deiın Jūldyz Süleimenova balalardy bırınşı synypqa qabyldau üşın qūjat tapsyru merzımderınıŋ qaita qaralatynyn habarlaǧan bolatyn.
