Foto: olympic.kz
Qazaqstan Küres federasiiasy men United World Wrestling arasynda tarihi memorandumǧa qol qoiyldy. Endı elımızde älemdık deŋgeidegı baluandardy daiarlaityn bıregei ortalyq jūmys ısteitın bolady, dep habarlaidy "Adyrna".
Jaŋadan aşylatyn Küres akademiiasy UWW tarapynan joǧary tiımdılık ortalyǧy retınde tanylǧan zamanaui keşen bolmaq.
Mūnda sporttyŋ bırneşe türı qamtylady:
- Grek-rim jäne erkın küres;
- Äielder küresı;
- Jaǧajai küresı.
Akademiianyŋ basty erekşelıgı – onyŋ qūrylymynda arnaiy medisinalyq jäne sporttyq-ǧylymi zerthanalardyŋ boluy. Būl baluandardyŋ fizikalyq daiyndyǧyn ǧylymi negızde baqylap, jaraqattardyŋ aldyn aluǧa mümkındık beredı.
UWW prezidentı Nenad Lalovich pen elımızdıŋ Küres federasiiasynyŋ basşysy Erkın Oqasov federasiianyŋ jaŋa keŋsesın tanystyrdy. Keŋse ışınde Qazaq küresınıŋ Daŋq zaly aşyldy.
Ekspozisiiadan qazaqstandyq chempiondardyŋ Olimpiada oiyndary men älem bırınşılıkterınde ielengen jüldelerın, belbeulerın jäne jeke mūraǧattyq jädıgerlerın köruge bolady.
Sapar barysynda qonaqtar Astana men Almatynyŋ sporttyq nysandaryn, sonyŋ ışınde Jaqsylyq Üşkempırov atyndaǧy Jekpe-jek saraiyn aralady. Nenad Lalovich Qazaqstandaǧy sport infraqūrylymynyŋ damu qarqynyna joǧary baǧa berıp, yntymaqtastyqty nyǧaituǧa daiyn ekenın jetkızdı.
