Qaraǧandy oblysynda «Kıtap oqityn ūlt» jobasy aiasyndaǧy «Kıtap oqityn memlekettık qyzmetşı» baǧytynyŋ finaldyq kezeŋı öz märesıne jettı. Jobaǧa oblystyŋ barlyq audan-qalalarynan 1500-den astam memlekettık qyzmetşı qatysty.
Joba qatysuşylary qatarynda türlı deŋgeidegı äkımdıkterdıŋ qyzmetkerlerı, oblystyq basqarmalar, polisiia departamentterı, tötenşe jaǧdailar, qorǧanys salasy, sondai-aq memlekettık kırıster organdary men prokuratura ökılderı boldy. Qatysuşylar arasynda oblystyq basqarma basşylary, audan äkımderınıŋ orynbasarlary jäne basqa da memlekettık organdar ökılderı bar.
Alty ai boiy qatysuşylar arnaiy sarapşylar komissiiasy ırıktegen 15 kıtaptan oqyp şyqty. Tızımge Abai Qūnanbaiūly, Mūhtar Äuezov, Bauyrjan Momyşūly, Li Kuan Iý, Tomas Sibel syndy avtorlardyŋ eŋbekterı endı.
Finaldyŋ erekşelıgı – qazaq jäne orys ligalary boiynşa ekı baǧytta ötken komandalyq format boldy. Audandyq jäne qalalyq ırıkteu kezeŋderınıŋ jeŋımpazdary qūrama jasaqtap, tek bılımderın ǧana emes, komandalyq üilesımdılıkterın de körsettı.
Qorytyndy nätijeler boiynşa jüldelı oryndar tömendegıdei bölındı:
Qazaq ligasy:
I oryn – Būqar jyrau audanynyŋ qūramasy:
Meiram Tüleuov – audan äkımdıgınıŋ auyl şaruaşylyǧy bölımı sektorynyŋ meŋgeruşısı;
Ainūr Qūrdabaeva – Ümıtker auyldyq okrugınıŋ bas mamany;
Aqnūr Älı – Botaqara auyldyq okrugınıŋ bas mamany.
II oryn – Balqaş qalasynyŋ komandasy:
Aijan Asylhan – memlekettık aktivter jäne satyp alu bölımınıŋ bas mamany;
Baian Urmatova – ışkı saiasat bölımınıŋ bas mamany;
Botagöz Baǧlanova – personaldy basqaru qyzmetınıŋ bas mamany.
III oryn – Qarqaraly audanynyŋ ökılderı:
Aian Kizkin – audan äkımdıgınıŋ baspasöz hatşysy;
Baljan Şaldanbaeva – Jaŋatoǧan auyldyq okrugınıŋ bas mamany;
Saia Äsken – bılım bölımınıŋ bas mamany.
Orys ligasy:
I oryn – Qaraǧandy qalasynyŋ komandasy:
Larisa Guchenko – qarjy jäne memlekettık aktivter basqarmasynyŋ bas mamany;
Berık Dosymbekov – dene şynyqtyru jäne sport basqarmasynyŋ basşysy;
Jūldyz Joraeva – ekonomika jäne qarjy bölımınıŋ sektor meŋgeruşısı.
II oryn – Saran qalasynyŋ qūramasy:
Eleonora Nehoroşeva – qala äkımı apparatynyŋ bas inspektory;
Jūmabike Taibekova – qala äkımı apparatynyŋ bas inspektory;
Iýliia Başuk – Aqtas kentınıŋ bas mamany.
III oryn – Temırtau qalasynyŋ qatysuşylary:
Däulet Daiyrov – tūrǧyn üi inspeksiiasy bölımınıŋ basşysy;
Vladimir Konev – tötenşe jaǧdailar basqarmasynyŋ ört söndıru bölımınıŋ bastyǧy;
Aslanbek Ospan – memlekettık aktivter jäne satyp alu bölımınıŋ bas mamany.
Jeŋımpaz Qaraǧandy komandasynyŋ jarqyn qatysuşylarynyŋ bırı – oblystyq dene şynyqtyru jäne sport basqarmasynyŋ basşysy Berık Dosymbekov. Onyŋ aituynşa, jobaǧa qatysu tek qyzmettık mındet emes, jeke synaq boldy:
«Ärine, kıtap oqu – är adamnyŋ jeke taŋdauy. Bıraq basşy retınde özgelerge ülgı körsetu maŋyzdy. Būl tek jūmys üşın emes, är adamnyŋ jeke damuy üşın de paidaly. Memleket basşysynyŋ kıtap oqu bastamasyn kötergende, kıtap oqu mädenietınıŋ maŋyzyn tereŋ tüsıngenı anyq. Osy jobaǧa oblys basşylyǧynyŋ erekşe qoldau körsetuı – öte maŋyzdy. Men üşın būl joba özındık bır chellendj boldy, ony ülken qyzyǧuşylyqpen qabyldadym», – dedı ol.
Ol sondai-aq joba memlekettık qyzmetşılerge özın-özı damytuǧa uaqyt tabudyŋ maŋyzyn körsettı dep atap öttı:
«Qarbalasqa qaramastan, paidaly ädebietterdı oquǧa mümkındık tabu – öte maŋyzdy. Būl joba öz mümkındıgımdı däleldeuge, sondai-aq sport salasyndaǧy adamdar kıtap oqymaidy degen stereotiptı būzuǧa yqpal ettı. Eŋ bastysy – elımızde bılımdı, bäsekege qabılettı ūlt qalyptastyru bastamasyn qoldau».
Joba taǧy bır märte qazırgı zamanǧy memlekettık qyzmetşınıŋ jan-jaqty tūlǧa ekenın däleldedı. Final türlı vedomstvo ökılderın bırıktırıp, ortaq qūndylyqtar negızınde naǧyz komanda qalyptastyra alatynyn körsettı.
Qatysuşylardyŋ jūmysyn ädebiet, bılım jäne memlekettık basqaru salasyndaǧy sarapşylardan qūralǧan qazylar alqasy baǧalady. Qazylar alqasynyŋ töraǧasy – QR Prezidentı janyndaǧy Memlekettık basqaru akademiiasynyŋ Qaraǧandy filialynyŋ direktory, filosofiia doktory Serıkjan Baibosynov.
«Kıtap oqityn ūlt» jobasy Qaraǧandy, Qostanai oblystarynda jäne Şymkent qalasynda jüzege asyryluda. Qatysuşylar sany boiynşa Qaraǧandy oblysy köş bastap tūr – 1 500 adam. Qostanai oblysynda 400-den astam, al Şymkentte 500-den asa memlekettık qyzmetşı qatysuda.
Sonymen qatar, QR Memlekettık qyzmet ısterı agenttıgı men «Kıtap oqityn ūlt – Chitaiuşaia nasiia» qoǧamdyq qory arasynda jasalǧan memorandum aiasynda 2026 jyly jobany bükıl el aumaǧyna keŋeitu josparlanyp otyr. Bastama barlyq öŋırdı qamtidy dep kütılude.
Bügınde «Kıtap oqityn ūlt» jobasyna 189 myŋnan astam adam qatysuda. Olardyŋ qatarynda mektep oquşylary, kolledj jäne JOO studentterı, pedagogter, otbasylyq dinastiialar men memlekettık qyzmetşıler bar.
Joba «Kıtap oqityn ūlt – Chitaiuşaia nasiia» qoǧamdyq qory men Qaraǧandy, Qostanai oblystary jäne Şymkent qalasy äkımdıkterımen «Amanat» partiiasynyŋ qoldauymen jüzege asyryluda. Saltanatty marapattau räsımı Ūlttyq kıtap künı qarsaŋynda ötedı dep josparlanuda.
Qosymşa: «Kıtap oqityn ūlt» jobasy aiasyndaǧy memlekettık qyzmetşılerge arnalǧan kıtaptar tızımı
