Oqu-aǧartu ministrlıgı pedagogterdı attestasiialau tärtıbıne bırqatar maŋyzdy özgerıs engızdı, dep habarlaidy "Adyrna" ūlttyq portaly.
Jaŋa jüie mūǧalımderdıŋ pändık test tapsyru talabyn alyp tastap, baǧalaudy praktikalyq qyzmet nätijesıne negızdeudı közdeidı.
Ministrlıktıŋ mälımetınşe, endı mektepte jūmys ıstep jürgen ūstazdar attestasiia kezınde pändık bılım boiynşa test tapsyrudan bosatylady. Būl şeşım Memleket basşysy Qasym-Jomart Toqaevtyŋ tapsyrmasymen qabyldanǧan. Alaida testıleu jüiesı pedagogikalyq joǧary oqu oryndaryn jaŋa bıtırgen jas mamandar üşın saqtalady.
Vedomstvo ökılderınıŋ aituynşa, būl talap jas mamandardyŋ bastapqy käsıbi deŋgeiın rastau üşın qajet.
Mūǧalımderdıŋ bılıktılıgı test nätijesımen emes, olardyŋ naqty käsıbi qyzmetı arqyly baǧalanady. Attestasiia sanattarǧa bölıngen jüie boiynşa jürgızıledı. Eŋ joǧary deŋgei – pedagog-şeber sanaty. Būl sanatqa ümıtkerlerge magistr nemese PhD därejesı, halyqaralyq sertifikattar (IELTS, CELTA jäne t.b.), ǧylymi jariialanymdar, jyl saiyn aşyq sabaqtar ötkızu jäne ärıptesterge tälımgerlık jasau siiaqty talaptar qoiylady.
Pedagog-zertteuşı sanaty üşın aşyq sabaqtar ötkızu, ǧylymi maqalalar jariialau nemese oqu qūraldaryn äzırleu jäne ärıptesterge ädıstemelık qoldau körsetu mındetteledı.
Pedagog-sarapşy deŋgeiınde mūǧalımder audan nemese qala deŋgeiınde täjıribe almasyp, seminarlar men konferensiialarǧa qatysuy jäne tälımgerlık qyzmet atqaruy qajet.
Al pedagog-moderator – bılıktılıktı arttyrudyŋ bastapqy satysy. Būl deŋgeige kemınde ekı jyl eŋbek ötılı bar mūǧalımder (magistrler üşın – 1 jyl) ötınış bere alady.
Sondai-aq, oqu-aǧartu ministrlıgı pedagogterdı attestattaudyŋ jaŋa erejesın äzırleu jūmysy jalǧasyp jatqanyn habarlady.
"Qazırgı uaqytta qūjattyŋ jobasy talqylau jäne kelısu kezeŋınde.
